Año iisa Jeuwa kaajiyusa eç fxiꞌjçxa txudeneta mazkwẽ Dxus eçwa vxite eçyakh; txaꞌwẽy txaajaꞌjthaꞌw Dxus jxkaahwa weꞌwni yat, thegna phewjn puꞌçxhineta, saꞌ vxitni yattxis txaꞌwẽy; kĩh peejxtewa kaahn puꞌçxhineta mazkwẽ Betelitastxis, saꞌ Dxus yuwes vxite kiwesu nes ptaꞌsxsatxis txaꞌwẽy, vxiteꞌ nxusna ũssatxis txaꞌwẽy puꞌçxhineta. Nawa ¿kĩhjukik txãakwe vxu kaseꞌje puꞌçxhwa?

Kĩhwa diezmo pẽhyçmeeneta kĩhwa vxu pkhakheçmeeneta. Dxus yuwe ptaꞌsxwaꞌja wala vxu uꞌjene, nawa kĩhwa nasatxis vxu pẽhyçmeethaꞌw. Siglo thaakwe yãthe eç Atalaya kaseꞌjçxa naꞌjĩne kweꞌsxtxis Jeuwane jxpeeje. Txajuꞌ naꞌjĩne: “kweꞌsxa bakaçxyuhwa pxthaa yũumeeꞌjnaw vxite jxkaahsatxis vxu pẽhyjxna” (Mateo 10:8).

Vxu peesnisa yakhneta puꞌçxhi. Mazkwẽ nasawa Dxus yuwe ptaꞌsxitx wẽdxçxaneta vxu yakh puꞌçxhi (1 Crónicas 29:9). Dxus jxkaahwaꞌjaꞌs weꞌwni yatsu, vxite pkhakheni walasu ũsna vxu ãsxwa idx wẽdxçxa puꞌçxhya ãjaꞌnega. Nasa vxu leꞌçxkweçxaa jiꞌphçxawa peesuneta, txaꞌwẽy Jesus wala weeçxane vxu musx ãsx paꞌka Dxus yatte txãa uy nmiꞌ ivxiitsaꞌs (Lucas 21:1-4). Maawa vxu yakh puꞌçxh wẽeçxa jw.org kxtee kaahya ãjaꞌnekwe “ũuste makwe peesweçxteꞌ, txãꞌsçxáa kxtey yuuwaꞌjaꞌ” (1 Corintios 16:2; 2 Corintios 9:7).

Kweꞌsxa jiithaꞌw Jeuwa puꞌçxhnaçxaa ũsuna, txãjx jxkaahnisaꞌs kxtee yũute kĩhmeewa ewsa jxuka peesuna (Proverbios 3:9).

• ¿Kweꞌsxa fxiysathaꞌw vxite Dxus selpiisa naꞌwmeethaꞌw?

• ¿Kĩhkitx yũu vxu peesnisayãk?