Idxa ¿maz Jeuwa kaajiꞌyusa jĩiga? Maa weꞌsxyu idx pekuꞌj uꞌpsatewa jĩinega, meeçxaa mjĩi ũsnisuwaꞌj vxiteꞌ kaapiyani yatsu iiuynega. Khĩmeeçxa Dxus yuwes weꞌwneta idxyakh. Açyu ¿kimweꞌsx kxthaw Jeuwa kaajiꞌyusa?, saꞌ ¿kĩh yũuçxakxthaw nasaweꞌsxyakh weꞌwe kweꞌsx Dxus eçte piyanisaꞌs?

Kweꞌsxa nasa fxiysameethaꞌw. Jeuwa kaajiꞌyusa pxãhsu ũsyã piçthẽꞌj vxiteꞌ uꞌy maꞌwsameewaꞌj. Jxuka ũsyã vxu jiꞌphsamaakxyũu, jiꞌphmeesamaakxyũu. Maaweꞌsxyũu Dxus selpiisa jiꞌphuneta, nawa vxiteweꞌsxyũu kĩhwa Dxus selpiisa jiꞌphmeenetayũu. Jeuwa kaajiꞌyusayũumee yũu jxukasay een kutxiꞌjithaꞌw Dxus eçaꞌs piyaya (Hechos 17:11). Jxpaꞌkathaꞌw Dxus kaapiyanisaꞌs, khĩiçxa kweꞌsxjĩiçxathaꞌw txhitxhi Dxusaꞌs maꞌw selpiiwãtewaꞌj.

Dxus eç kaapiyaꞌjnisaꞌ puꞌçxhine. Kweꞌsxwa thẽysa jiꞌphusathaꞌw vxiteweꞌsx naꞌwẽy. Nawa Dxus jxkaahnisaꞌs kxtey yũute wala ew fxiꞌzethaꞌw (Salmo 128:1, 2). Txajĩiçxathaꞌw nasayakh weꞌwe Dxus maꞌw ewsa jiꞌphna.

Nwẽseꞌjethaꞌw Dxus kaapiyaꞌjnisaꞌs. Txãa kaapiyaꞌjnisaꞌs ew vxitune kweꞌsx uꞌjuwajaꞌs, nasaweꞌsxaꞌs peeykãan txaꞌwẽy puꞌçxhina, saꞌ txaꞌwẽy çxhãçxha mjĩiya. Txaꞌwẽy kaapiyaꞌjak yatte weꞌsxyakh ew jaꞌda ũsya kimweꞌsxwaꞌj kazx yũumee. Kweꞌsxa jiithaꞌw “Dxusaꞌ kim yuhnawa ahçemée”. Maii jxkaahsayuhwa ptxihdeya ãjaꞌmeeyã yakhthẽꞌjweꞌsxtxis kĩhteweꞌsxtewa. Txajĩiçxa Jeuwa kaajiꞌyusa naa kiwete teeçx çxhabçxathaꞌw (Hechos 4:13; 10:34, 35).

• Jeuwa kaajiꞌyusa ¿kĩh yũuçxa fxiysameekxthaꞌw?

• ¿Kĩh ewsa kik Dxus eçaꞌs kaapiyaꞌja?