Jesus yakh ih jaꞌda uꞌjsatxis naꞌjĩne: “Txãꞌwẽy iꞌkweꞌsxwa eenaꞌ mkweethwe nasaa dxiꞌpte, kxah iꞌkweꞌsx ew fxiꞌzeniꞌs uyçxaꞌ, Dxus ewsa ũsyujuꞌga jĩna weꞌwetxna iꞌkweꞌsx Tata cielute ũssaꞌs” (Mateo 5:16). Txãa çaam internet wala selpiisayã. kxteeWeb jw.orgte weꞌwni jiꞌphna maasunisatewa, kxtee yũu kĩhkitx yũu Jeuwa kaajiyusaweꞌsxa. ¿Kĩh jiꞌphtxkx?

Paapẽynisaꞌs Dxus eçyakh paasuyã. Txãa paapẽyni jxthuhtesaꞌs uyunega kxtee. Txajĩiçxa, txãa eç ¿Pxthayũu ũꞌsnxisa baaçx ente çxaa pçuumaꞌk? vxiteꞌ ¿Kiꞌkin uuꞌsaa ĩtxi yumaatx? kxtee internette ũsya 600 yuwesu. Txaꞌwẽy uyunega Traduccion del Nuevo Mundote 130 yuwesu; kũh eç jiꞌphna Dxus eçyakh piyawa, txãayu ¿Qué enseña realmente la Biblia?, vxiteꞌ Atalaya, vxiteꞌ ¡Despertad! Thegya vxiteꞌ wẽseꞌjya ãjaꞌnekwe çaam internette, mazkwe eç fxiꞌjnisaꞌswa spahtxya ãjaꞌnekwe MP3, PDF, meeçxa EPUB. Idx wẽdxçxa vxitetxis txudeya ãjaꞌnega. Txaꞌwẽy kũh video ũsyã nasa weꞌwya ãjaꞌsameejĩi, txaꞌwẽy spahtxya ãjaꞌnekwe fxiꞌjni kaavxaajasa vxaana, kxtee Dxus eçyakh, txaꞌwẽy mem zxiçxkwesa wẽseꞌjyã ãjaꞌnekwe.

Isasa ptaꞌsxine Jeuwa kaajiyusa kimweꞌsxtewa. Txaꞌwẽy jxthuhtheni ũssesa jiꞌphna, txaꞌwẽy video maꞌwneta naa kiwete jxuka mjĩi, txaꞌwẽy kweꞌsxwa maꞌwnetkhaꞌw thẽysa jiꞌphu nawa nasatxis puꞌçxhithaꞌw. Txaꞌwẽy ptaꞌsxitx kweꞌsx pkhakheni wala kĩh eensu yũuwatewa, saꞌ txaꞌwẽy vxitni yatsu maꞌw weꞌw watewa.

Wala weeçxathaꞌw isasa kĩhtemeewa jxukane kwethna ũsna Antartidatepa kxteewa nasa ũsyã. Txaꞌwẽy “Dxus yakh mpuutxweꞌwe” Jeuwa yuwe kĩhtemeewa jxuka ũskan (2 Tesalonicenses 3:1).

• ¿Maꞌw puꞌçxhikx txãa jw.org nasa peena wejxkwe Dxus eçaꞌs jiyukan?

• ¿KxteeWeb kweꞌsx internette mjĩinisaꞌs peena Kĩhga jiyuweje?