Nxus een paꞌjte Jeuwa kaajiyusa wala puꞌçxhineta yakhthẽꞌjweꞌsx pxthaa yũun ũssatxis, txãa puꞌçxhnisaꞌs wala wẽdxithaꞌw (Juan 13:34, 35; 1 Juan 3:17, 18). ¿Maꞌw kitx puꞌçxhi?

Kĩh peejxtewa puꞌçxhineta. Cristo yakh ih jaꞌda uꞌjusa Antioquiasaweꞌsxa yakhthẽꞌjweꞌsxtxis wala puꞌçxhneta vxu kaahn wala ew ũus kaayahkxjya, txaꞌwẽy Judeate wala weeje ukate txaꞌwẽyçxaneta puꞌçxh txaawẽꞌsxwa (Hechos 11:27-30). Ãçxh txaꞌwẽyçxaneta puꞌçxhi yakhthẽꞌjweꞌsxtxis naa kiwete jxuka pxthaa yũun ũste pkhakheni Dxus yatsu vxu kaahn puꞌçxhineta (2 Corintios 8:13-15).

Teeçx teeçxneta puꞌçxhi. Thẽꞌjsaweꞌsxa pakweneta kiwa ehd uꞌjnisu yakhthẽꞌjweꞌsxtxis jiyuya ĩtxi ũstewa puꞌçxhya, txaꞌwẽy yakhthẽꞌj ũsyã puꞌçxhsa pxthaa yũun ũssatxis, yuꞌ kaahn, ũꞌwa kaahn netayũu, vxite hathwasa kaahn, saꞌ ãçasatxis yuçeheneta, vxite yattxis phewjneta yũu, kũhneta uꞌje Jeuwa kaajiyusa vxite ahte Dxus jxkaahwaꞌjaꞌs weꞌwni yatsu sweenisatxis phewjuneta, txaꞌwẽy yakhthẽꞌjweꞌsx jaꞌda mjĩisa kĩhte pxthaa yũun ũstewa tudneta paꞌja puꞌçxhya. Txaꞌwẽy “kweꞌsx yakhthẽꞌjweꞌsx yũutxi wejxkwe txãꞌwẽ ew yũuwaꞌj jiꞌphthaꞌw”, saꞌ vxite pkhakheni Dxus yatsu selpiisaweꞌsxtxis txaꞌwẽyçxathaꞌw puꞌçxhi (Gálatas 6:10).

Nxusna ũste Dxus eçyakh puꞌçxhithaꞌw. Nxusna ũssa jxpeejxyã kçxhãçxhawaꞌjaꞌs naa eensu Jeuwa “Kweꞌsxtxiꞌ kĩjkĩh nxuswaꞌj en paꞌthewa, kvxiisxaꞌjaꞌk Dxusaꞌ”, kweꞌsxtxis Dxusa kçxhãçxhawajaꞌs ũsune (2 Corintios 1:3, 4). Pxthaa yũun ũste Dxus jxkaahwaꞌjas kaapiyaꞌjathaꞌw eꞌs yu ewmeesaꞌs jxuka pçuuna vxiteꞌ pxthaa yũunisaꞌs vxite akasaꞌs pebana (Revelación 21:4).

• ¿Kĩh yũuçxa kitx Jeuwa kaajiyusa ãçxhtey puꞌçxhi nxus een jiꞌphusatxis?

• ¿Kĩh kitx paꞌka nxus een jiꞌphusa?