Dxus eçte ptaꞌsxik thẽꞌjsaweꞌsx vxiteꞌ selpiin puꞌçxhsa pkhakheni Dxus yatsu: “dxuus yatte jxkaahsaweꞌsx vxiteꞌ kxtee mjĩi puꞌçxsa” (Filipenses 1:1). Txaꞌwẽy pkhakheni Dxus yatsu selpiisa ũsyã kũj yakhthẽꞌjweꞌsx. ¿Thẽꞌjsaweꞌsx selpii puꞌçxhsa maꞌw puꞌçxhitxkx kweꞌsxtxis?

Txaawẽꞌsxa thẽꞌjsaweꞌsxtxis puꞌçxhineta. Thẽꞌjsaweꞌsx yakh selpii puꞌçxhsa wala ew ũus yahkxna puꞌçxhineta, txaꞌwẽy piçtakxweꞌsx vxiteꞌ thẽꞌjsayã. Txaawẽꞌsxa wala mjĩineta pkhakheni Dxus yatsu selpiinisu, txãa thẽꞌjsaweꞌsx Dxus yuwes ptaꞌsxineta.

Kimewa jxukaneta vxitu. Maii thẽꞌjsaweꞌsx yakh selpii puꞌçxhsa wala weeçxan, paꞌkaneta nasa weꞌsxaꞌs pkhakheni Dxus yatsu kĩhte kaçxwatewa ptaꞌsxineta. Vxiteweꞌsxa çaam ksusuꞌjnisuneta puꞌçxhi, txaꞌwẽy ptaꞌsxineta kĩhsu Dxus yuwe ptaꞌsxwatewa, txaꞌwẽy eç jxuka dukheneta, txajuꞌ txaꞌwẽy puꞌçxhineta Dxus jxkaahwaꞌjaꞌs weꞌwni yatsu çehk ũskan, kĩh peejxtewa puꞌçxhineta nasa thẽꞌjkwetxis, txãw puꞌçxhte wala ewna (1 Timoteo 3:13).

Txãa yakhthẽꞌjweꞌsx wala ew ũus yahkxneta. Thẽꞌjsaweꞌsx yakh selpii puꞌçxhsa wala ew ũus yahkxteçxaa txhitxhiyã, kxtee nasa ksxaavxite weꞌwnis kweꞌstxis wala kçxhaçxhajana. Txaꞌwẽy Dxus yuwes ptaꞌsxya kaseꞌjçxa wala kçxhãçxhajatx. Txaawẽꞌsx mjĩinisa wala wẽt jaꞌda puꞌçxhna ũsyã (Efesios 4:16). Txaawẽꞌsxwa eꞌs yu thẽꞌjsaweꞌsx yũuyã ãjaꞌyã.

• Txãa thẽꞌjsaweꞌsx yakh selpiin puꞌçxhsa ¿maꞌwsatxkx?

• ¿Kĩhkx yũu thẽꞌjsaweꞌsx yakh selpiin puꞌçxhsa pkhakheni Dxus yatsu selpiisaꞌs ew ũskan?