Jeuwa Kaajiꞌyusa nyaafxi kutxiꞌjneta Dxus eçaꞌs khĩiçxa txudeneta. Een skhẽwyãꞌthe vxite peena Dxus eç kutxiꞌjneta nasa thẽymee jiyukhan, “jxukaysa ewsaꞌs jiyuçxa ewte neeyũuniꞌsku jxthãasuꞌ” (1 Timoteo 2:3, 4). 1950 añote, txajuꞌ takhneta kutxiꞌjya ingles yuwete, txãa peꞌl peꞌla kweꞌsx Dxus eçte ãçxh yuwesu, txãa Traduccion del Nuevo Mundo, naa Dxus eçaꞌs wala jxpaꞌyahkx kutxiꞌjneta 130 weꞌwnisu jxthaakwe.

Dxus eç peejxneta yũu thẽymee jiyuwaꞌjaꞌs. Een skhẽwyãꞌthe weꞌwnisawa nesmeena, saꞌ mazkwẽ Dxus eçwa fxiꞌjni jiꞌphna jiyunimeesa. Txãa eensu eç fxiꞌjni ĩisxsa uyneta, txãa eç fxiꞌjni ãhçxa ũsna Dxus eç nyaafxi fxiꞌjniyakh. Txãa fxiꞌjnisayakh wejxkwe jiyun uꞌjneta, vxiteꞌ yuwesu hebreo, arameo vxiteꞌ griego txãa yuwesuneta Dxus eçaꞌs fxiꞌj.

Teeçx kutxiꞌjwa peejxneyũu jaꞌda txãa Dxus eçsaꞌs piyawaꞌj. Txaawẽꞌsx Dxus eçaꞌs kutxiꞌjsa, kĩhwa txaawẽꞌsx ũus yahkxnijuçxayũu fxiꞌjya ãjaꞌmeeyã Dxus eçaꞌs, txaawẽꞌsx nyaafxi Dxus eç fxiꞌjsa txaꞌwẽy fxiꞌjneta. Nawa maii Dxus eçsu kĩhwa Jeuwa yaseꞌs fxiꞌjmeeneta.

Jxpeeꞌjxnetkhaꞌw Dxus eç peeykãhwaꞌjaꞌs txãa vxitsaꞌs (2 Samuel 23:2). Kxtee Traduccion del Nuevo Mundo, Jeuwa yeseꞌs kiꞌkin 7.000 ãhtxi kiphneta, nyaafxi maꞌwne fxiꞌjni ũsuꞌ txaꞌwẽy, naa tasxte vxaak (Salmo 83:18). Naa Dxus eç kaseꞌjne wala jxpaꞌyahkx piyaniyãju, txãayuꞌ wala ewna. Txãa Dxus ũus yahkxnis thẽymee piyawaꞌjna. Txãa Dxus eç Traducción del Nuevo Mundo idx yuwesu jiꞌphçxawa, jiꞌphmeeçxawa, saꞌ wala piꞌkithaꞌw eenisa piyaya (Josué 1:8; Salmo 1:2, 3).

• Kweꞌsxa Dxus eç uꞌsesa kutxiꞌjwa jxpeejxthaꞌw ¿kĩh yũuçxa?

• Dxus eçaꞌs eenisa piyawa jiꞌphnetkhaꞌw ¿kĩh yũuçxa?