Yakhthẽꞌjweꞌsx Betelte mjĩin ũssa kxsu kxsutx mjĩi Dxus yuwe ptaꞌsxwajaꞌs puꞌçxhna ũsyã, teeçx çxhab walateçxamee vxite yuwe fxiꞌjn ũsyã, txaꞌwẽy eç kutxiꞌjineta, wẽseꞌjwa vxiteꞌ thegwa txaꞌwẽy.

Yakhthẽꞌjweꞌsx paathegsa mjĩinis vxitni yatsu. Kũhmeesa thẽꞌjsaweꞌsx jxkaahsa txhitxhineta tekh thaakwe thẽꞌjsaweꞌsx ew jiisa. Txãa paathegsa vxitni yat iisa puꞌçxhineta, txaawẽꞌsx yũu ptaꞌsxineta Kũhmeesa thẽꞌjsaweꞌsx jxkaahsatxis kĩh thẽysa ũste, kĩh ewsa ũstewa, jiyukan vxite eç ũsesa kutxiꞌjineta, pkhakhe walasu txaꞌwẽy piyawa. Txãa Kũhmeesa thẽꞌjsaweꞌsx jxkaahsa, año iisaneta kaahja yakhthẽꞌj jxkaahni vxitni yat walaju, puꞌçxhya yakhthẽꞌjweꞌsx paathegsa vxitni yatsu ew mjĩikan (Proverbios 11:14). Txãa yakhthẽꞌj jxkaahni vxitni yat walaju, paꞌjçxa Dxus eçyakh kçxhãçxhajaneta weꞌwna vxitni yatsu utxaa uꞌpsatxis.

Puꞌçxhineta pkhakheni Dxus yatsu. Txãa vxitni yat uꞌsesa pkhakheni Dxus yat txaajaꞌjneta. Txaawẽꞌsx paathegsayã selpiin nes yũun ũssatxis, thẽꞌjsaweꞌsx tadxiisa, saꞌ Dxus yuwes vxite kiwesu nes ptaꞌsxsa txaꞌwẽy. Txaawẽꞌsx phewj puꞌçxhineta pkhakhe walasu, txaꞌwẽy paathegsayã Dxus jxkaahwaꞌj weꞌwni yat ktxaajaꞌjaneta, jxuka vxitni yatsu puꞌçxhineta Dxus yuwes ew ptaꞌsxkan (1 Corintios 14:33, 40).

• Yakhthẽꞌjweꞌsx paathegsa vxitni yatsuweꞌsxa ¿maꞌw puꞌçxhitxkx kũhmeesa thẽꞌjsaweꞌsx jxkaahsatxis?

• ¿Vxitni yatsu kĩhkxtx yũu?