¿Ũukhçxa kĩhgayũu?... Ney weꞌsxtxis puꞌçxhkhan pẽyĩga. Nawa vxite puꞌçxhwaꞌjsa ũsna. Txãaçxa wejxkwe çxhãçxhasana. ¿Jiiga kimki?... Txãa Jeuwana. Txãasçxa pẽhywa jiꞌphnega puꞌçxhkan. David txãwne yũu. Txãa Jeuwate kreĩne, Davidyu piçthakxi çxhãçxhasaneyu. Txãjx yaahkxnisa Dxus eçte ũsna.

David leꞌçxkwẽꞌyna txãjx ney weꞌsxa kaapiyan ũssuneta Jeuwaꞌs wẽdxkhan. Txajĩiçxane ũukhuçmee. Txãa jiineyu Jeuwa puꞌçxhyawatewa. David piisxatxis thegna ũste, ¡león jxũun ũꞌjne teeçx piisxa! ¿Jiiga David kĩhkik yũu? Leon eꞌste uꞌjne khĩiçxa ikhne. Oso txaꞌwẽy piisxaꞌs jxũun uꞌjne, David txaꞌwẽy ikhne osoꞌs. ¿Davidaꞌs Kimkik puꞌçxh çxhãçxhayũukaahn?... Weeçx weꞌwgu, Jeuwaneyu.

Thegukha vxite eensu David wala çxhãçxhayũune. Filisteosweꞌsxa israelitas yakh puiin ũste. Teeçx puiisa Goliatne yaseyu, ¡Goliat meh wala çxhãçxhasaneyu! Goliat pewsxikane israelitasweꞌsxtxis, Jeuwaꞌs txaꞌwẽy. Soldadoweꞌsxtxis naꞌjĩne: “¡Kim adxyakh puiiwẽena!”. Txãayakh puiiya ũukhuneta. Nawa David wẽseꞌjçxa Goliataꞌs naꞌjĩne: “¡Adxa puiin idx yakh! ¡Jeuwayu puꞌçxhina knayyã!”. ¿Isa David çxhãçxhasayu yũu maak?... Txãa çxhãçxhasaneyu. ¿Eꞌsu kĩhkik yũu?

David 5 kwetne fxiw, khĩiçxa puiiya uꞌjne Goliat yakh. Goliata Davidaꞌs thegçxa pewsxikane leꞌçxkwete. David naꞌjĩk: “Idxa espada yakh yuhnega, ¡nawa adxa Jeuwa yasete yuht!”. David wuuwune Goliat taꞌsxte, kwetaꞌs iisutte akhna çxhãçxha kaahne. Txãa kweta knenetene paꞌj, ¡Goliat kiweka uunine wẽete! Filisteosweꞌsx txãw uyçxa ũukhçxa wuuwuçxaneta ũph. ¡Txãa piçthakx David leꞌçxkweçxawa knayne Goliataꞌs! ¿Kĩh yũuçxakik knay?... Jeuwane puꞌçxh, ¡txãa thaakwe çxhãçxhasana!

 ¿Txãa David yaakxinisa kĩhkik kaapiyaꞌja?... Jeuwaçxa wejxkwe çxhãçxhasana. Txãasa maꞌwẽn eensu ũukh yahkxçxa, naa weꞌwnis kreĩ: Jeuwa idx namikuna puꞌçxhya ãjaꞌna çxhãçxha ũsya.