PEꞌLA 7
¿Kĩh yũuyã ãjaꞌgigk idxçxa ũukhna ũsçxa?
Piisanite theg naa luuçxaꞌ. ¿Isa txãaçxak ũukhna vxyaa? ¿Maa eensu txãw iiũukhga?... Jxukasay txãw iiũukhthaꞌw. Dxus eçte weꞌwek Jeuwaꞌs wẽdxna selpiin ũssa, maꞌwẽn eente ũukhneta. Elías txãwsaneyũu. Theguka kĩhkikyũu.
Jezabel Elíasaꞌs ikh wẽejene
Elías Israelte uꞌpsaneyu Jesús uꞌpxhmeeyna. Txãa eensu, txãa Israel jxkaahn uꞌpsa ptaamiineta Jeuwaꞌs wẽdxsameeyu, Dxus isasaꞌs. Txaawẽꞌsxyu naꞌwneta yaseyu Acab vxiteꞌ Jezabel, txaawẽꞌsxa Baal dxusaꞌs isasaꞌsmeeneta selpiisayu. Txãꞌjĩiçxa nasa Israelte uꞌpsa, txaꞌwẽy Baalaꞌsçxaneta selpiisayu. Jezabel meh ewmeesa yũune, jxuka ikh wẽejene Jeuwa nwẽseꞌjsatxis. Elíaswaꞌj Jeuwaꞌs selpiite ¡txãaswa ikh wẽejene! ¿Kĩhkik yũu Elíasa? ¿Idxa kĩhyũugigk?...
¡Txãa jxuꞌjne uꞌpna uꞌj! Khĩiçxa kafxtene iisuth. ¿Kih yũuçxa kik iisuth?... Seena
ũukhne. Nawa kĩhwa ũuhkwa jiꞌphuçmeene. ¿Kĩh yũuçxa? Txãayu jiineyu Dxus puꞌçxhyawaꞌjtewa. Eꞌsu Dxusa puꞌçxhne. Txantey Elíasa Dxus yakh puutx weꞌwne, Dxusa paasne ẽewalaju ipxkan. ¿Isateyu Jeuwa çxhãçxhasana? Txãwna. ¡Elíasa txãasçxane kreĩ!¿Maꞌwkik puꞌçxh Jeuwa Elíasaꞌs?
Elíasa kafxte uꞌpte, Jeuwa paapẽyne: “¿Kĩh yũuçxa ayte uꞌpga jĩne?” Elías paasne: “Nyaafxte nasa nwẽseꞌjsa uꞌpuneta, nawa ãçxha adxçxayũuçxaa seena ũukhna uꞌpthu ikheyãsuçxa”. Dxusaꞌs selpiisatxis jxuka ikhneta sujũhne. Nawa Jeuwa naꞌjĩne: “idxçxameenega. 7.000 nasa selpiisa ũssyta. Ũukhnu, idxjĩi mjĩi jiꞌphthu”. Dxus txaꞌjĩite Elías, ¿maꞌwkik yahkx?... ¡Wẽtne yahkx!
Ãçxh miyahkxwe kĩhkik yũu Elíasa. ¿Kĩh piyakxthaꞌw kxtee?... Maꞌwẽn eensu idxçxa uꞌpçxa ũukh yaakxnega. Nawa txãw yũute, ¿jiiga maꞌw yahkxwaꞌjtewa? Idxçxa ũsmeenega, namiku jiꞌphnega txãa Jeuwaꞌs wẽdxsayã, idxaꞌs txaꞌwẽyneta wẽdxi. Peçxkanamee yahkx Jeuwaçxa wala çxhãçxhasana, baaçxtewa puꞌçxhina. ¿Wala ewsa yuhmanx txãw jiyute?...
MEEN DXUS EÇTE LEYWE:
-
1 Reyes 19:3-18
-
Salmo 145:18