Maꞌwẽn Dxus yuweꞌs ptaꞌsxte, nasaweꞌsxa ĩinçxaneta ũusçxa yahkx txãa yakh. Txãw yũute wala wẽtmee yahkxne, ¿isa yuhmanx? Maꞌwẽnsuyu naꞌwthaꞌw yaakxi: “Peena weꞌwyawameet Jeuwate jĩin”. ¿Maꞌwẽnsu txãw yaahkxiga?... Dxus eç weꞌwek txãa piçthẽꞌj eensu yaahkxnisate Jeuwaꞌs wẽdxsaneyũu, nawa peena Dxuste weꞌwya waꞌlne. Txãa piçthẽꞌj Jeremías yaseneyu. Theguka kiꞌkin.

Jeremías piçtakiinayu, Jeuwa wala jxthuhthesa weꞌwya jxkaahne nasatxis. Naꞌjĩwaꞌjne jiꞌphu, iꞌkweꞌsx ewmeeyũunisaꞌs nvxitwe. Nawa wala thẽy yũune, açyu Jeremías wala ũukhneꞌ. Txãa Jeuwaꞌs naꞌjĩne: “Adxa wala piçtakxith, maajiin  weꞌwekith”. Jeuwa paasçxa naꞌjĩne: “Idxa ũukhnu, adxa wala puꞌçxhin”.

Txajuꞌ Jeremías weꞌwya takhne txãa çxhabaꞌs: “iꞌkweꞌsx yuꞌptheꞌjmeeçxa kastigayni neyunekwe”. ¿Nwẽeseꞌjmatx?... nwẽeseꞌjmeeneta. ¡Açyu maiiweꞌsxyu ikh wẽeneta! ¿Jeremías maꞌw kik yahkx?... Txãayu ũukhçxa, naꞌjĩne: “Adxa Jeuwate peena weꞌwyameet”. Nawa ¿isamak weꞌw? ¿Isa Jeuwate weꞌwmeemagk?... Txãwmeene yũu. Açyu Jeremías Jeuwaꞌs wala wẽdxsayũune, Jeuwate weꞌwna nesçxane yũu. Jeuwa wala nweꞌwne Jeremíasaꞌs nasa ewmeeyũun ũstewa.

Txaꞌwẽy piçthẽꞌj ewmeesaweꞌsxa Jeremíasaꞌs txitx kafxteneta akh. Jeremíasyu kĩhwa ũꞌwaꞌj jiꞌphuçmeene txãa kafxte. ¡Txãa piçthẽꞌjweꞌsx ewmeesa Jeremíasaꞌs uu thãasneta! Nawa ¿Jeremíasa ĩtxiyu maak? Ĩtxi yune, Jeuwa nweꞌwne açyu txãa kafxyu kutxiꞌjneta.

Txãa eensu yahkxnisa kaapiyaꞌjak Jeremíasa wala ũukhne, nawa Jeuwate weꞌwna nesçxaneyũu. ¿Kĩh piyagigk?... Maii nasa idxaꞌs phewsxikayã, Dxus yuwe ptaꞌsxna uꞌjute. Nawa thaameeme baaçxtewa Jeuwate weꞌwna nesçxayũu. Yahkx Jeuwa puꞌçxhnaçxaa ũssuna, Jeremíasaꞌs maꞌwne puꞌçxh txaꞌwẽy.