¿Maꞌwẽn yũu thẽymanx neyweꞌsxtxis nwẽeseꞌjwaꞌjas?... Maꞌwẽn yũu thẽyna, ¿txãwmanx? Nawa ¿jiiga kĩh puꞌçxhik nwẽeseꞌjya? Theg Jesús vxitnisaꞌs. ¿Jiiga baaçxtewa Jeuwaꞌs nwẽeseꞌjsaneyũu txaꞌwẽy neyweꞌsxtxiswa?... Ayte peena jiyuꞌjnaꞌw Jesúste.

Naa kiwete kĩhmeey, Jesús ẽewalatene ũssayu ney Jeuwa yakh. Nawa naa kiwete kĩhyãçxa, Jesús txaꞌwẽy jiꞌphune ney vxiteꞌ njĩꞌj. Txaawẽꞌsxa naꞌwneta yaseyu José vxiteꞌ María. ¿Jiyu wẽejega maꞌw yũuçxa kitx Jesus neyweꞌsx yũun kaah?...

Jesús naa kiwete upxhmey, Jeuwa wala ewsa vxitne. Jesús ẽewalate ũssiina, Jeuwa María tutxhte kiꞌpne. Maria tutxhte 9 aꞌtene walaan uꞌpu, ãçxhka luuçx naꞌwẽy, txajuꞌne upxh. María txãw yũuçxane Jesúsaꞌs jiꞌphu. Txãa ptaamsaweꞌsxa nuy walaaneta txãa luuçxaꞌs.

Txaꞌwẽy 12 año jiꞌphçxa, Jesús wala kaajiyuꞌjne Jeuwas wẽdxna. Txajuꞌ Jesús txãjx yatteweꞌsxyakh wala jxuꞌj uꞌjneta Jerusalén çxhabte paꞌj. Kxtee paꞌjneta Jeuwaꞌs selpiiyã uꞌj. Txajuꞌ José vxiteꞌ María yatna sxawẽdçxa Jesúsaꞌs uymeeneta. ¡Kĩhte yuhwa vxyaameene! ¿Kĩhkitx yũu José vxiteꞌ María?...

Kiꞌkin sxawẽdneta Jerusaléntepa tekh eenneta Jesúsaꞌs pakwe. ¡Wala kũh yahkxna uꞌjuneta! Nawa uyneta. ¿Jiiga kĩhtekik ũssuꞌ?... Jeuwa yattene ũssu. ¿Kĩh yũuçxakik kxtee ũssu? Kxtee yũu wala ewsa piyan ũssune Jeuwate. Jesús txãjx neyaꞌs wala wẽdxçxane, kĩhmeewa ewsane vxitna ũssu Jeuwa wẽt ũskhan. Jesús walayãçxa Jeuwaꞌs nweseꞌjnçxane nes yũu. Maakwe thẽysa jiꞌphçxawa nwẽeseꞌjne, nawa Jesúsaꞌs seena ãhçeneta. ¿Massujuga Jesús nwẽeseꞌjmak José vxiteꞌ Maríaꞌs?... Dxus eça nwẽeseꞌjne jĩik.

¿Uyga Jesús baaçxtewa nwẽseꞌjne?... Txaꞌwẽy wala jxthuhthesa kaapiyaꞌjak: maꞌwẽn yũu thẽyntewa neyweꞌsxtxis wala nwẽeseꞌjwaꞌjna. ¿Idxa txãwyũu maagk?...