¿Meh thẽy manx Jeuwa wẽdxnis kxtey yũuwaꞌjas?... Maii nasa meh thẽyna sũhuneta. Nawa Dxus eç kaapiyaꞌjak txãwmee jĩk. Josías eensu yahkxnisaꞌs weꞌwek, txãjx namikutxis ew txhitxne. Piyaka Josias naꞌwẽy yũuyã.

Josías neyyu Amónne yaseyu, txãane Judáte jxkaahsayu. Amónyu ewmeesaneyu, dxus ĩtximeesatxisne selpiisayu. Txãjx ney uute, Josíasne jxkaahneyu Judáte. ¿Jiiga maz año kik Josías jiꞌphu jxkaahsa yũunkãhçxa? ¡8 añone jiꞌphu! ¿Ney naꞌwey ewmeesa maak yũu?... Txãwmeene yũu.

Leꞌçxkwẽꞌyne Jeuwaꞌs selpiiwẽeje. Txãjxçxane namiku ewsa pakwe. Txaawẽꞌsxa Dxusaꞌs selpiineta, txaꞌwẽy puꞌçxhneta Jeuwaꞌs nwẽeseꞌjya. ¿Kimweꞌsxkikyu Josías namikuweꞌsxyu?

Profeta Sofoníasyu. Txãa ptaꞌsxwane jiꞌphu Judá çxhabte uꞌpsaweꞌsxtxis: “dxus ewmeesatxis selpiin ũste, ewmeeteneyũunekwe jĩne”. ¿Kĩhkik yũu Josías?  ¿Nwẽseꞌjmak profetaꞌs? Nwẽseꞌjne. Txãjĩiçxane Jeuwaꞌs selpii, dxus ewmeesatxis kĩhwa selpiimeene.

Jeremías txaꞌwẽy Josias namikuyũune. Txaawẽꞌsxa puutx jaꞌdaweꞌsxnetayu, txãa piçtakxweꞌsx utxaasu uꞌpsanetayu. Jeremías vxiteꞌ Josías yaꞌpuçxhneta Jeuwaꞌs selpiiyã. Wala namiku ewsa yũuneta, Jeremíasa Josías uute nxusna memwaꞌj fxiꞌjne.

¿Isa kĩh piyakxthaꞌw Josíaste?... Txãa leꞌçxkwetey Dxusaꞌs nwẽseꞌjya wẽdxne. Txãw yũu wẽeçxa txhitxhwa jiꞌphune namikuweꞌsx Jeuwaꞌs wẽdxsa. ¿Idxa txaꞌwẽy Jeuwaꞌs selpii wẽejega? Wala jxthuhthesana pakwewaꞌj namikuweꞌsx Jeuwaꞌs wẽdxsa.