Thegwe ayte naa piçthẽꞌjtxis. Mateo, Marcos, Lucas, Juan, Pedro, Santiago, Judas vxiteꞌ Pablo. Txaawẽꞌsx ĩtxi fxiꞌzesanetayu Jesús eensu, khĩiçxa fxiꞌjneta Jesúste. Txãa eensu yahkxnisaꞌs Dxus eçte jiꞌphna. ¿Peena jiyu wẽejega txãa piçthẽꞌjweꞌsxte?...

Txãa tekhsayu Jesús namikunetayu. Txãayakhneta Dxus yuwes ptaꞌsx. Mateo, Juan vxiteꞌ Pedro txãa apóstolesweꞌsxnetayu. ¿Kxtee piisanite ptaꞌsxya ãjaꞌmagk?...  Mateo vxiteꞌ Juan fxiꞌjneta Jesús ĩtxi fxiꞌzenisate. Juan txaꞌwẽy fxiꞌjne nmehteweꞌsx eꞌças Revelación (Apocalipsis), txãa tekh peꞌla fxiꞌjnisayu txãjx yases jiꞌphna. Txãa apóstol Pedro jeꞌz eç peꞌla fxiꞌjne Txãjx yaseꞌ yakh. Pedro wala jxthuhthesate weꞌwne. Pedro wẽseꞌjne Jeuwaꞌs ẽewalaju txãjx zxik Jesúsaꞌs weꞌweçte, naꞌjĩn: “Txãa adx zxika. Adxa wala wẽdxit, khĩiçxa wẽt ũsthu txãa yakh”.

Txãa piisanite vxite piçthẽꞌjweꞌsx naa kxtee vxyaatx, txaꞌwẽy fxiꞌjneta Jesúste. Marcosyu Jesúsaꞌs kyuuphaçtewa uyne. Vxite fxiꞌjsa Lucasneyu. Txãayu yuꞌçesaneyu, Jesús uuniyãju Lucas Cristo ih jaꞌda uꞌjusaneyu.

Jesús nyaakh jeꞌz nuuçxsaweꞌsx txaꞌwẽy Jesúste fxiꞌjneta. ¿Jiiga kimweꞌsx kitxyu?... Txaꞌwẽsx naꞌwnetayaseyu Santiago vxiteꞌ Judas. Txaꞌwẽꞌsxa nyaafxtey krẽiꞌjçmeeneta Jesús kaapiyaꞌjnisaꞌs. ¡Jesúsa wẽçxpaꞌjne sũhuneta! Nawa eꞌsyu ih jaꞌda uꞌjusanetayu.

Pablote weꞌweka. ¿Piisanite uyuga? Nyaafx ih jaꞌda uꞌjusameey yu Saulone yaseyu. Cristo yakh ih jaꞌda uꞌjusatxis wala açesayune, khĩiçxa seena pkxuune txaawẽꞌsxtxis. ¿Jiyu wẽejega maꞌw yũuçxakik Cristo yakh ih jaꞌda uꞌjusayu?... Dxiꞌjsu uꞌjn ũsçxa, Pablo wẽseꞌjne ẽewalaju weꞌweçte. ¿Kimkik weꞌw? ¡Jesúsneyu! Khĩiçxa paapẽyne: “¿Kĩh yũuçxaga seena pkxuu adxte krẽiꞌjsatxis?”. Pablo uyne yuꞌptheꞌjwaꞌjaꞌs, khĩiçxane Cristo yakh ih jaꞌda uꞌjusaneyu. Txajuꞌ 14 eç peꞌlane fxiꞌj Dxus eçte, eç Romanostene thakh, khĩiçxa Hebreostene fxiꞌjn kaba.

¿Isateyu wẽdxmathaꞌw Dxus eçaꞌs eeniisa leyyã?... Kxteeyu Jesús txãjx eensu yahkxnisa jiꞌphna. ¿Isate wẽdxmag peena Jesúste piyaya?...