Kxãçxmeeyna naa kiwete jxuka teeçxsaçxa jxkaahn ũssuna. ¿Jiyu wẽejega maakx?... Txãa Dxus jxkaahwaꞌjasa. Txaꞌwẽy jxuka naa kiwes zxiçxkwe vxitna kaajana, kweꞌsx kxtee ĩtxi fxiꞌzeꞌjnaꞌw. ¿Peena jiyu wẽejega naa jxkaahwaꞌjsate?...

Thakheka, ¿kĩhkx neꞌjweꞌsxa? Txãa vxite nasatxis jxkaahsana. Txãa Dxus jxkaahwaꞌjasa txaꞌwẽy teeçx neꞌjweꞌsxçxa jiꞌpha. ¿Kimkisũhuga?... ¡Txãayu Jesúsna! Txãayu ẽewalate uꞌpsana, kxãçxmeeyte naa kiwete jxuka jxkaajana. Nawa ¿Jesús neꞌjweꞌsx ewsa maakx yũu? ¿Wẽt fxiꞌzeyã ãjaꞌmthaꞌw naa kiwete txãa jxkaahn ũste?...

¡Ãjaꞌjnaꞌw! Naa kiwe zxiçxkwe yũute, kĩhwa wala puiinisameeyũuna. ¡Nasaweꞌsxwa kĩhwa puiimeeyã! Kim yuhwa ãçaꞌmeeyã vxiteꞌ uumeeyã. Txaꞌwẽy nasa uyya ãjaꞌsamee kiꞌkin uyuuyã, vxiteꞌ nasaweꞌsx muçxsa kiꞌkin wẽseꞌjeyã. Nasaweꞌsx puuplesa txãa eensu kiꞌkin wuwuuya ãjaꞌyã. Jxukasay jiꞌphuyã ũꞌwaꞌjaꞌs. Takxweꞌsx kĩhwa puiin ũsmeeyã, kweꞌsxwa txãꞌwẽꞌsxyakh pweesaꞌjya ãjaꞌjnaꞌw. Txaꞌwẽy: mazkwẽ uusawa kiꞌkin ĩtxi yũuyã. Rebeca, Rahab, David, Elías  txaꞌwẽꞌsxwa kiꞌkin ĩtxi yũuyã. ¿Isate txaawẽꞌsxtxis Jiyuwẽejega?...

Jeuwa idxaꞌs wala wẽdxine wẽttene fxiꞌze thãasu. Peena txãate piya, khĩiçxa nwẽseꞌj txãa kaapiyaꞌjnisaꞌs. Txãw yũuçxa, baakaçxtewa ĩtxi ũssunega naa kiwete zxiçxkwe yũun kaahte. ¿Idxa wẽdxmag kxtee ũsya?...