PEꞌLA 12
Pablo sobrino çxhãçxha ũus yaahkxsayune
Weꞌwyawat txãa piçthakx eensu yahkxnisate, txãayu nweꞌwne apóstol Pablos. maꞌw yasetewa jiimeethaꞌw txãayu Pablo sobrinoneyu. Txãa piçthakxyu meh çxhãçxha yũune. ¿Ptaꞌsxte jiyuwẽejega?...
Pablo Jerusalénte kyuuphni uꞌphune. Jesúste weꞌwna ũs paꞌkaneta kyuuph. Piçthẽꞌjweꞌsx Pablos ãçesa ewmeeneta yũu wẽeje. Txãa jxkaahsa taꞌsxtepa ptaꞌsxya uꞌjneta: “Idx selpiisatxis Jxkaah Pablo jxũun uꞌjkhan nejweꞌsx taꞌsxte”. Txaawẽꞌsxa dxiꞌjte iisuthjyawanetayu, Pablo skhẽuꞌjnste, ¡ikhya!
Pablo sobrino txãjx nxuukwe yakh khwẽꞌy weꞌwne, txajuꞌ soldado jxkaahsa yakhne weꞌw
Pablo sobrinoyu jiyune txãw yũuyãwaꞌjte. ¿Kĩhkikx yũuwa jiꞌphu? Nxuukwes ptaꞌsxya uꞌjne. Pablo naꞌjĩne: “Dud uꞌjwenega soldado jxkaahsa taꞌsxte paꞌj, jxuka ptaꞌsxya”. Txãw yũuwaꞌja wala thẽy yũune, txãa soldado jxkaahsa wala jxthuhthesaneyu. ¿Pablo sobrino weꞌwya ũukhmak txãa yakh?... Ũukhmeene, txãa wala çxhãçxa ũus yahkxçxa jxuka ptaꞌsxne.
Txãa soldado jxkaahsa wẽseꞌjne. Pablos nweꞌwçxa vxite çxhabnane kaah, txãa çxhaba naꞌwne yaseyu Cesarea, 500 soldadosne piꞌkxna kaah. Naꞌjĩn: “Naa kuste jxũun uꞌjwenekwe”. ¿Pablo ĩtxi yũumak, meeçxa piçthẽꞌj ewmeesa ikhmatx? ¿Maasujuga?... ¡Ĩtxi yũune! Txãa piçthẽꞌjweꞌsxa ikhya ãjaꞌmeeneta.
Txãa eensu yahkxnisaꞌs jiyute ¿Ewkayũuwã?... ¿Uyga Pablos sobrino wala çxhãçxha ũus yaakxnis? ¡Idxa çxhãçxa ũus yaahkxinega txãa naꞌwẽy! Txaꞌwẽy çxhãçxha ũus yaahkxwaꞌjna Jeuwate nasatxis weꞌw wẽeçxa. ¿Idxwa çxhãçxha ũus yaahkxçxa Jeuwate weꞌwmak?... Wala jxthuhthesana Dxuste weꞌwwaꞌj nasatxis. Txãw yũute mazkwẽ nasawa ĩtxi yũuyã ãjaꞌyã.