¿Idxa jiyuya wẽdxmag txantey vxitnisaꞌs? Yahkx naꞌwneyũu txantey Jericó cxhab Canaánte. Txãa kiwete Jeuwaꞌs selpiisameeneta yũu. Nawa kxteeyu teeçx uꞌy fxysane uꞌpsayu. Txãayu Rahabneyaseyu.

Rahab Leꞌçx khwẽꞌy Jeuwa weꞌwnisaꞌs wẽseꞌjsaneyu. Jiyune maꞌw puꞌçxhna ũstewa txãa çxhab Israelaꞌs iipuisatxis knaykhan. Txaꞌwẽy Jeuwa Moisesaꞌs jxkaahne Egipto kiweju kutxiꞌjya israelitasweꞌsxtxis. ¡Khĩiçxa ĩkh wala behaꞌs pxãh txuudene, Israelitasweꞌsxtxis kaaykhẽwjkhan! Açyu Rahab wẽseꞌjne wala tuutheꞌjnisa: ¡Israelitasweꞌsxa Jericó çxhab pukasuneta ũsu!

Teeçx kuste, jeꞌz peethegusa israelitasweꞌsx uꞌkaneta Jericó çxhabte. Rahab piꞌkxine Kxtee neyũukhan. Txãa kusaꞌ Jericóte jxkaahsa jiyune jeꞌz peethegusa ũstewa Rahab yatte. Txajuꞌ Jerico jxkaahsa pakweya kaahne piçtheꞌjtxis. ¿Kĩhkik yũu Rahab? Txajuꞌ txãa piçthẽꞌj peethegusatxis yat kakwetene suth, khĩiçxa jxkaahne piçthẽꞌjtxis naꞌjĩne: “Txãa peethegusa uꞌjyãtx, nawa iꞌkweꞌsx neewuçxa kpahkxinekwe”. ¡Txaꞌwyũuçxa Rahab txãa peethegusatxis nweꞌwne! ¿Idxa jiyu wẽejega kĩh yũuçxakik puꞌçxh?... Txãa Jeuwate kreĩne. Rahab jiineyu Jeuwa israelitasweꞌsxtxis puꞌçxhsatewa Jericó vxiteꞌ Canaán çxhab yakh neyũukhan.

Txãa peethegusa Rahab yatte uꞌjmey naꞌjĩneta neweꞌw: Jeuwa Jericó kiwes pebate, Rahab yatteweꞌsxtxis nweꞌwena. Nawa Rahab kxtee yũu jiꞌphune ĩtxi ũs wẽeçxa. ¿Kĩhkx?... Txãa peethegusa naꞌjĩtx: “Yat danate wes behaꞌs akxi jiꞌphunega, khĩiçxa jaꞌda jxuka yatteweꞌsxtxis ũskaahne”. Rahab kĩh weꞌwtewa kxtey yũune. ¿Idxa jiyu wẽejega eꞌsu kĩhkik yũu?...

Een skhẽwyãte, israelitasweꞌsxa Jericó pukasuneta. 6 eenneta txãa çxhabte tadxin ũsu, kĩhwa susmee. Nawa nmeh eenteyã, 7 ãh wala tadxineta, txajuꞌ jxukasay wala çxhãçxha weyneta. Txajuꞌ ¡Jeuwa jxuka Jericó yattxis pẽtxhne! Nawa ¿Rahab yattaꞌs kĩhkik yũu? Txãa yat  danate wes beh jiꞌph paꞌka weteemeene. ¿Uyuga txãa piisanite wes behaꞌs txãa yatte?... ¡Txaꞌwẽy yũute Rahab yatteweꞌsxa uumeeneta!

¿Kĩh yũuçxakik Rahab uumee?... Jeuwaꞌs wẽseꞌj paꞌka, txãayu jiineyu Dxus nweꞌwyãwaꞌjtewa. Txãas ptaꞌsxneta Jeuwa Dxus maꞌwne israelitasweꞌsxtxis puꞌçxhna ũssuꞌ, txãahne Jeuwate wejxkwe kreĩ. Idxa txaꞌwẽy Jeuwate wejxkwe piyanega. ¿Idxa Jeuwaꞌs nwẽseꞌjmagk Rahab naꞌwẽy?... ¡Txaꞌwẽy nwẽeseꞌjen!