PEꞌLA 2
Rebeca wẽdxne Jeuwa wẽt ũskhan txãa yakh
Txãa uꞌy Rebeca nmiꞌ Isaac yakh, Jeuwa Dxusaꞌs wala wẽdxsa yũuneta. Ãçxhçxa jiyuꞌjnaꞌw maꞌw yũuçxakitx puutx uy txaꞌwẽy piyaꞌjnaꞌw Jeuwa kĩh yũuçxa kik Rebeca paꞌka wẽt yahkx.
Isaac ney weꞌsxa naꞌwneta yaseyu Abrahán vxiteꞌ Sara. Abrahán txãjx zxik ptaamukhan uꞌy ewsane txitxh jxthãasu Jeuwaꞌs wẽdxsa. Nawa txaawẽꞌsxa Canaánte uꞌpsanetayu. Kxtey yũu Jeuwa Dxusaꞌs selpiisameenetayu. Txãhne selpiisaꞌs (Eliezeraꞌs) jxkaah Harántepa. ¿Kĩh yũuçxa? Kxtee yũu Abrahán nweꞌsx weꞌsx uꞌpsaneta yũu, kxtee yũu nyuuthẽꞌj ewsane uyuu jiꞌphu Isaacjĩi.
Rebeca wala mjĩi jiꞌphune yuꞌ kutxiꞌjn camellos weꞌsxjĩi
Eliezer wala jxuꞌj uꞌjne Abrahán selpiisa yakh. 10 camellosneta ktũꞌse ũꞌwaꞌj vxiteꞌ peeswaꞌj. ¿Maꞌw yũuçxakik uyuu jiꞌphu Eliezer Isaac nyuuthẽꞌjyuwajaꞌs? Elizera jiineyũu txãa uꞌy çxhabteweꞌsxa yuꞌ kutxiꞌjn ũstewa. Txajuꞌ yuꞌ kafxite ũsyãçxa naꞌjĩne Dxus yakh puutx weꞌw: “Adxa teeçx uꞌyaꞌs weꞌwyawat yuꞌ ũskhan. Txãa uꞌya adxaꞌs vxiteꞌ camellos weꞌsxtxiwaꞌj yuꞌ peesçxa, txãw kaajiyute idxnega txãa uꞌyaꞌs txitxh”.
Txaçx meeyna yuꞌ kafxte kũjk Rebeca. Dxus eça naꞌjĩk txãa uꞌya wala zxiçxkwe yũune. Elizera yu peꞌwne, txãayu paasne: “Ewna jĩn, idx vxiteꞌ camellos weꞌsxiwaꞌj
yuꞌ peesun”. Txãa camellos wala yuꞌ tuudxsayã, açyu Rebeca yuꞌ kafxte wala yuꞌ kutxiꞌjne. ¡Wala mjĩine yuꞌ kutxiꞌjn! Naa peꞌlate theg. ¿Kĩh yũun ũski Rebeca?... Txãa wala mjĩite, Eliezer jiyune: ¡Dxus Jeuwa yakh puutx weꞌwte txãa passne!Eliezer wala zxiçxkwesa peesne Rebecaꞌs, txajuꞌ txãjx nweꞌsx yatte piꞌkxne Eliezeraꞌs vxiteꞌ selpiisatxis. Eliezer kaajiyune txaawẽꞌsxtxis kĩh yũuçxakik Abrahán Harantepa kaah. Eliezeraꞌs naꞌjĩneta: “Wala ewna Rebeca Isaac yakh ptaamute”.
Rebeca Eliezer yakh Canaán kiwen uꞌjne Isaacyakh ptaamuyã
¿Masũhuga Rebeca Isaacyakh ptaamumak?... Txaꞌwẽy yatte weꞌsx paapẽyte, txãayu ew najĩne. ¿kĩh yũuçxa? Açyu Rebeca jiineyu Jeuwa Eliezeraꞌs kaahtewa. Açyu txaꞌwẽy Canaán kiwen uꞌjneta, txajuꞌ kxtee paꞌjyãçxa Isaac yakh ptaamune.
Rebeca Jeuwaꞌs nwẽseꞌjne, txãw yũu paꞌka ewne jxpeh. Txaꞌwẽy: Rebecayu maanteyweꞌsxneyũu Jesúste. Rebeca naꞌwẽy nwẽeseꞌjte Jeuwa wala ew jxpehena. Txãw yũute Jeuwa idxaꞌs wala wẽdxina.
MEEN DXUS EÇTE LEYWE:
-
Génesis 12:4, 5; 24:1-58, 67