PEꞌLA 5
Samuel baaçxtewa vxitne Jeuwa wẽdxnisaꞌs
Wala leeꞌçx khwẽꞌy Samuel selpiine Dxus tabernaculote. Txãa tabernáculoteneta Jeuwaꞌs selpiiyã uꞌjwe. ¿Jiyu wẽejega Samuel kĩh yũuçxa kik kxtee uꞌpsayu? Nawa txãa paapẽynisaꞌs jiyu wẽeçxa, njĩꞌjaꞌs khwẽꞌy jiyuka. Txãa Anane yaseyu.
Ana baaçxtewa luuçx jiꞌphuwaꞌjaꞌsçxaane yahkx, nawa luuçx jiꞌphuyã ãjaꞌsameeneyu. Txajuꞌ Jeuwa yakh puutx weꞌwna pẽhyne: “Meen puꞌçxhinega ũꞌkwes”. Khĩiçxa naꞌjĩne: “ũꞌkwe luuçx jiꞌphuçxa, txãa tabernáculo selpiiyã kaajan, saꞌ kxtee ĩtxi fxiꞌzekahn”. Txãꞌjĩte Jeuwa wẽseꞌjne Ana puutx weꞌwnis, açyu luuçx jiꞌphuyã ãjaꞌne. Açyu txãa luuçxaꞌsyu Samuelne yase kiꞌp. Tekh meeçxa pahz añone jiꞌphuçtene, Ana txãjx weꞌwnis kxtey yũune, khĩiçxa tabernáculo kxtee jxũun uꞌjne Dxusaꞌs selpiikhan.
Txãa tabernáculo jiꞌphune paal txãayu Elíne yaseyu. Jeꞌz zxik piçthakxsayãne jiꞌphsayu, kxtee mjĩisaneta yũu. Kxtee tabernaculoteneta Jeuwaꞌs selpiisa yũu, kxtee nasa uꞌpsa wala ewyũuwaꞌj jiꞌphuneta. Nawa Elí zxikweꞌsxa ewmeeyũun ũstewa Samuelyu uynane uꞌju. ¿Samuel ewmeesa vxitmaak, txaawẽꞌsx naꞌwẽy? ¿Idxa masũhuga?... kĩhwa ewmeesaꞌs vxitmeene, Samuel kxtey yũune Jeuwa wẽdxnisaꞌs, ney weꞌsx maꞌwneta kaapiyaꞌj txaꞌwẽy vxitne.
¿Elí kĩh kik yũu jiꞌphu? ¿Majiigigk Elí txãjx zxiktxis yuꞌkxpehymak?... ¡Yuꞌkxpehymeene! Elí zxikweꞌsxa mjĩiyã ãjawaꞌjsameenetayu txãa tabernaculote. Nawa Eli kxtey yũumeene. Açyuꞌ Jeuwa wala ũusxaçxane Elíyakh vxiteꞌ zxikweꞌsx yakh txaꞌwẽy.
Jeuwa jxkaahne Samuelaꞌs Elíꞌs ptaꞌsxya
Kus dehn ũste wẽseꞌjne paꞌyaste. “¡Samuel!” jĩn. Txãayu Elí taꞌsxte tudçxane uꞌj, nawa Elíyu: “Adxa kĩhwa paꞌyameet” jĩne. Jeꞌzus kxsuste wẽseꞌjne txãas paꞌyaste. Tekh ũste paꞌyane, açyuꞌ Elíyu Samuelaꞌs naꞌjĩne: “Kiꞌkin paꞌyate, pass: ‘Adxa wẽseꞌj ũsthu, meen weꞌw Jeuwaꞌ”. Samuel kxtey yũute Jeuwa naꞌjĩne: “Eliꞌs idx
yatte weꞌsxtxis jxuka kastigayn jĩne ewmeeyũu paꞌka”. Nawa ¿Samuelaꞌs thẽy maakyũu txãw weꞌwya kaathe Elíꞌs? ¿Masũhuga?... Wala thẽy yũune. Samuel wala ũukhna ptaꞌsxne. Nawa Jeuwa jxkaahnisaꞌs nwẽseꞌjne Elíꞌs ptaꞌsxne. Dxus weꞌwni kxtey yũune: txajuꞌ eꞌs yãha, Elí vxiteꞌ txãjx zxikweꞌsxa uuneta.Samuel kaajiyunisate wala piyaꞌjnaꞌw. Nawa wala uyne nasa ewmee yũun ũste, nawa Jeuwa weꞌwnisaꞌs txãa kxtey yũune. ¿Idxwa vxitmagk? ¿Samuel naꞌwẽy Jeuwaꞌs nwẽseꞌjyã ãjaꞌmaak? Kxtey yũute, Jeuwa wala wẽt yaakxina idx yakh, mamá vxiteꞌ táta txaꞌwẽy.
MEEN DXUS EÇTE LEYWE:
-
1 Samuel 2:22-26; 3:1-21