PEꞌLA 13
Timoteo nasatxis wala puꞌçxh wẽejene
Timoteo piçthakxiyu wẽt yaahkxne vxitesatxis puꞌçxhna. Mtee mteewa uꞌjne nasatxis puꞌçxhya. Wala ew yũune. ¿Wejxkwe txãate jiyu wẽejega?...
Njĩꞌj vxiteꞌ mamá wala yakh Timoteos kaapiyaꞌjneta Jeuwate
Timoteo walaane kxtee Listra çxhabte. Txãjx njĩꞌja Eunicene yaseyu, txãjx mamá wala Loidane yaseyu. Txaawẽꞌsxa leꞌçxkwẽꞌyteneta Timoteos Jeuwate weꞌwna nuy walaa. Txãjxçxa Timoteo leꞌçxkwẽꞌy nasatxis Jeuwate weꞌwya wẽdxne.
Pablo naꞌjĩne Timoteos piçthakiina: “Vxite ãhsu Dxus yuwes ptaꞌsxya uꞌjweçthu. ¿Adx yakh yuhmag?”. Timoteo wala wẽt yaahkxçxa naꞌjĩk: “¡Yuh wẽen!”. Txãayu nasatxis puꞌçxh wẽejene.
Pablo yakh uꞌjne Tesalónicatepaꞌj, txãa çxhaba Greciatene ũssu. Kxtee paꞌj uꞌjwẽeçxa çxida, vxiteꞌ barcoteneta uꞌjwe jiꞌphu. Kxtee paꞌjyãçxa, wala puꞌçxhneta nasatxis Jeuwate kaajiyun. Nawa maii nasayu wala ũusxaçxaneta txaawẽꞌsx yakh. Txãw yũute Pablo vxiteꞌ Timoteo vxite ãhsuneta Dxus yuwes ptaꞌsxya uꞌj.
Timoteo wala wẽt ĩtxi fxiꞌzewaꞌjaꞌs jiꞌphune
Maz aꞌte skhẽwyãte Pablo kiꞌkin sxawẽdunega jĩne Timoteos Tesalónica çxhabtepaꞌj. Yakhthẽꞌjweꞌsx maꞌw ũstewa Jiyu wẽejene. Nawa Tesalónicate maii nasaweꞌsxa pkxuuneta Cristo yakh ih jaꞌda uꞌjusatxis. ¡Timoteoyu wala çxhãçxha ũus yaahkxwa jiꞌphune! ¿Kĩhkik yũu Timoteo? Yakhthẽꞌjweꞌsxtxis kũh yahkxçxa thegya uꞌjne. Txajuꞌ sxawẽdçxa ew thuuteꞌjnis jxũun paꞌjne Pablo. ¡Txãa yakhthẽꞌjweꞌsx Tesalónicateweꞌsxa Jeuwaꞌs selpii nesçxaneta yũu!
Timoteo mazkwẽ añowa selpiine Pablo yakh. Txajuꞌ Pablo fxiꞌjne Timoteote: “Txãa naꞌwẽysanaꞌwyu meena. Jeuwa vxite yakhthẽꞌjweꞌsxtxis wẽdxsa”.
Idxwa vxitetxis wẽdxiga, ¿puꞌçxh wẽejega Jeuwate jiyukhan?... Txãw yũuçxa Timoteo naꞌwẽy wẽt fxiꞌzeya ãjaꞌnega.
