¿Jiiga kĩhkx paaçte ũsnisa?... * Txãa paaçte jxawnisaꞌs maii nasa jimeeyã. Dxus eça weꞌwek paaçte jxthuhthenisaꞌs, txãas naꞌwku yase “paaçte Dxus jxawnisaꞌs”. Txãa Dxus jĩina. Nyafxtey kimweꞌsx yuhwa jiimeenetayu. Txãa angelesweꞌsxwa jiyu wẽejeneta kĩhk txãa. ¿Idxa jiyu wẽejega txãa paaçte jxawnisaꞌs?...

Txaawẽꞌsxa ¿Maꞌw kitx yaseyu?... Adán vxiteꞌ Eva. Txaawẽꞌsxa kiwe zxiçxkwe Edén yaseteneta uꞌpsayu, Dxusne phewuꞌjçxa ũs kxtee uꞌpkan. Dxusa wẽdxnane ũssu txaawẽꞌsx vxiteꞌ zxikweꞌsx naa kiwes zxiçxkwe vxitkhan, nyaafxte Edén maꞌwne yũu txaꞌwẽy. Nawa Dxusyu jxukasaytxine baakaçxtewa naa kiwe zxiçxkwete ũsthãasu. Nawa txãw yũumeene. ¿Kĩh yũuçxa?

Adán vxiteꞌ Eva Dxusaꞌs nwẽseꞌjmee paꞌka, txaawẽꞌsx paꞌka kweꞌsxa ãçxh naa kiwe zxiçxkwete ũsmeethaꞌw. Txaꞌwẽy Dxusa weꞌwne eꞌsu naa kiwes kiꞌkin zxiçxkwe vxitna kaajana. Jxukasay baakaçxtewa wẽt fxiꞌzen ũsuꞌjnaw. ¿Maꞌw txãa weꞌwnisa kxtey yũukx? Maantey, kim yuhwa jiimeeneyu. ¡Txãa paaçte jxawnisaꞌs!

Nawa leꞌçx leꞌçxkwe jiyun uꞌjneta. Txaꞌwẽy Jesús naa kiwete kĩhçxa, nasatxis kaapiyane paaçte jxawnisaꞌs. Txaꞌwẽy kaapiyane txãa Dxus jxkaahwaꞌjas. Kweꞌsx Dxus yakh puutx weꞌwçxa pẽhythaꞌw: “idx jxkaahwaꞌj enaꞌsçxáathaꞌw ũythasuꞌ”. ¿Kĩh yũuçxa? Txãa Dxus jxkaahwaꞌja naa kiwes zxiçxkwe vxitna kaajana.

¿Idxa wẽdximag txãa kiwe zxiçxkwete ũsya?... Yahkx Dxusaꞌs nasa nwẽseꞌjsaçxa naa kiwe zxiçxkwete fxiꞌzeyã. Dxus eçte ptaꞌsxik kũh piçthẽꞌjweꞌsx vxiteꞌ uꞌyweꞌsx Dxus Jeuwaꞌs nwẽeseꞌjneta. Naa folletote ãjaꞌjnaw txaawẽꞌsx naꞌwẽy nwẽeseꞌjya Dxusaꞌs. ¿Wẽdximag txãaweꞌsxtxi jiyuya?...