“Dxus isasa seena ewmeesaꞌs vxitsa sũhwaꞌjmeena, açyu txãa çxhãçxhasa kĩhwa ewmeesaꞌs vxitsameena” (Job 34:10, TNM).

¿Naa kiwete kĩh yũuçxa txah pxthaa yuun ũskxthaꞌw?

• 1 Juan 5:19

  Naa kiwete eçxthẽꞌj jxkaahn ũsna.

• Eclesiastés 8:9

  Nasaweꞌsx vxite nasatxis ewmee yũuneta.

• Eclesiastés 9:11

  Maꞌwẽni nasaweꞌsx jxpubaçxa pxthaa yuuneta kxtee ũs paꞌka.

• 1 Pedro 5:7

  Jeuwa peeykãhsana wala nxusune kweꞌsx txah pxthaa yuun ũste.

“Dxusa jiia txãa eentey txãa nxun tasxsaꞌs ũꞌçxa wejxkwe jiiyunekwe, Dxus naꞌwẽy yũunekwe jiiyun kĩh ewsatewaꞌj kĩh ewmeesatewaꞌj” (Génesis 3:5, TNM).

¿Jeuwa txãa entey kĩh yũuçxa kik eçxthẽꞌjaꞌs pabamee?

• Génesis 3:2-5

  Eçxthẽꞌj naꞌjĩne Jeuwa ew jxkaahsameena. Eçxthẽꞌjyu wẽdx thãasne txaawẽꞌsx txitxhkaahn kĩh ewsatewaꞌj kĩh ewmeesatewaꞌj. Dxusa eenaꞌs kaaskhẽuꞌjnçxane ũsu eçxthẽꞌj ĩsxiin ũstewaꞌj.

• Job 38:7

  Eçxthẽꞌja maakweçxane angelesweꞌsx dxiꞌpte seena ĩsxii Jeuwate.

“Nasaweꞌsx ĩtxi fxiꞌzenisa txaawẽꞌsxjiimeena. Txajĩi piçthẽꞌj pekunisa txãjx dxiꞌjmeena” (Jeremías 10:23, TNM).

¿Nasaweꞌsxa ãçxh pkaçx kĩh yũuçxa txah pxthayũun ũstxki?

• Isaías 55:9

  Nasaweꞌsx maꞌwsa jxkaahsawaꞌj kiꞌphuneta nawa, Dxus puꞌçxhmeete ew jxkaahjya ãjaꞌçmeeneta.

• 2 Pedro 3:9, 10

  Jeuwa wala muythasana, wala een peesana jiyukaan, txãas jxkaahsa naꞌw txitxhkaan.

• 1 Juan 3:8

  Jeuwa txitxhne Jesusaꞌs phewuꞌjkaan eçxthẽꞌj ewmee vxitnisaꞌs.

“Adx zxiꞌk jiisa yũu [...] Txaꞌwẽy pasya ãjaꞌnega nuy weꞌwna ũssatxis” (Proverbios 27:11, TNM).

¿Kĩh yũuçxa kik Jeuwa obligaiçmee txãꞌs selpiikaan?

• Proverbios 30:24

  Nasaweꞌsxtxis Dxusa txitxhwaꞌjaꞌs ũsne maꞌw selpiiwatewaꞌj kĩh ewsatewaꞌj kĩh ewmeesatewaꞌj, nawa tahkxtxis txaꞌw yũuwaꞌj ũsmeene.

• Mateo 22:37, 38

  Jeuwa kweꞌsxtxis peeykãhçxa selpii thãasune.