¿Kĩh yũuçxa Dxus Gobiernos pejxthaꞌw?
Dxus nasaweꞌsxtxis vxitnĩsa txaçxhyana. Dxus yase Jeuwa. Txãaçxa peeykãhn jxkaahsana. Nasaweꞌsxtxis peeykãhçxane naa kiweꞌs vxit, txaꞌwẽy paraíso zxiçxkwesa vxitne, ũꞌwaj txaꞌwẽy. Txãa paraisoyu jardín Edenne yase yũu, saꞌ nasaweꞌsxtxis kiwe ewsane pees wẽt mjĩikhan (Génesis 1:28, 29; 2:8, 15). Txajuꞌ nasaweꞌsx Dxusaꞌs nwẽseꞌjmeeçxa, txãa paꞌka ãçxh Dxus gobernaymee ũssa. Nawa Dxus ãçxhĩ jxkaahn ũswaça kweꞌsxa naa kiwete ewçxa fxiꞌzen ũssyunaꞌw.
Nyaafxtey nasaweꞌsx wẽdximeeneta Dxus Gobiernos.
Dxus yuwe kaapiyaꞌjak teeçx ángel Dxusaꞌs nwẽseꞌjmeene, txãa yũu Eçxthẽꞌjne yase. Txãa ángel Dxusaꞌs ewmee yahkxçxane paapẽy, ¿Dxusa ew jxkaahsamanx?, ¿pejxmanx nasaweꞌsx Dxusaꞌs wẽt fxiꞌzewaꞌj? Txãa ángel naꞌjĩne nasaweꞌsx Dxusaꞌs nwẽseꞌjmeeçxa weçx weçxa fxiꞌzeyã. Adán vxiteꞌ Eva Eçxthẽꞌj juꞌguneta yũu txãasaĩineta Dxusaꞌs nwẽseꞌjmee (Génesis 3:1-6; Apocalipsis 12:9).
Adán vxiteꞌ Eva Dxus Gobiernos ahçeneta txãasaĩineta paraíso ivxiit, txaꞌwẽy bakaçxte ĩtxi fxiꞌzewaꞌjaꞌswaꞌj ivxiitneta, saꞌ ãçaꞌyã takhneta (Génesis 3:17-19). Txãaweꞌsx nwẽseꞌjnĩmeesa zxiꞌkweꞌsxtxis jxukane suwuu. Txaꞌjĩk Dxus yuwe kaapiyaꞌja: “Pkalaꞌ naa kiwete teeçx nasate yuuçxáa uꞌkaçxak uuwaꞌjaꞌs vxit” (Romanos 5:12). Txãa pkaala vxite ewmeesa jxũun paꞌjne: “piçthẽꞌj gobernaynĩsa piçthẽꞌjaꞌsiiçxa ewmeeçxa yũun ũsna” (Eclesiastés 8:9). Naa versículo kaapiyaꞌjak piçthẽꞌjaꞌsiiçxa jxkaahn ũsçxa wala thẽysa jiꞌphun ũsta.
PIÇTHẼꞌJWEꞌSX JXKAAHYA TAKHNĨ
Nemrod Jeuwaꞌs nwẽseꞌjya wẽdxiçmeene.
Dxus yuwe kaapiyaꞌjak teeçx piçthẽꞌj yase Nemrod, txãa khwẽꞌyku takh nyaafxte nasatx gobernayya, txãa yũu kĩh yũuwaꞌj Dxus yakh nwẽseꞌjsameene yũu. Txãa Nemrod eensu neꞌjweꞌsx nasatxis wala pkxuun ũsta ãçxhte paꞌj. Txãjx tres mil anxuna, txãa jxkaahsa Salomón fxiꞌjne: “Uythu nasaweꞌsx ũꞌnen ũste, nawa kim yuhwa kvxiisxãꞌjmeeta. Txãaweꞌsxtxis kaꞌneꞌj ũsayu neꞌjweꞌsxneta yũu” (Eclesiastés 4:1).
Ãçxh naa eensuyu, neꞌjweꞌsx txaꞌwẽyçxa yũun ũsta. Txãjx, anxu 2009te la ONU naꞌjĩk nasaweꞌsx naꞌwneta sũhuꞌ thẽysa jiꞌphun ũsthaꞌw ewmee gobiernay ũs paꞌka.
KĨHÇXAWA YŨUWAꞌJ ŨSSA
Naa kiwete ew neꞌjweꞌsx pejxna, ew jxkaahkhan. Dxus txãwsa ptaꞌsxnĩ ũssa.
Naa kiwete neꞌjweꞌsx seena ewsa ũsçxawa ãjaꞌnimeeyã thẽysas ivxiitya.
Dxus phewuꞌjn ũssa txãjx Gobiernos. Dxus Gobierno naa kiwete gobiernos jxuka pebana. Txãa Dxus Gobierno yũuçxa bakaçxhte yuhwa pçuumeena (Daniel 2:44). Txãjii mazkwẽ nasaçxa txãa Dxus Gobiernos pẽhy txãa padre nuestrote (Mateo 6:9, 10). Nawa, Dxus kĩhwa kxteey Neꞌjweꞌsxmeena, txãa Neꞌjweꞌsxyu naa kiwete fxiꞌzen ũssune. Açyu, yaꞌjxpaapẽy, ¿Dxus kĩmna kĩhtx Neꞌjweꞌsx txitxh?
