“Idx Gobiernos wẽdxithaꞌw paꞌjkhan”: Mazkwẽ nasawa pẽhyneta txãa Dxus Gobiernos
¿Maꞌwẽni idxa jxpaapẽhyga Dxus Gobierno een paꞌjwaꞌjas enaꞌ? 2000 anxusyã mazkwẽ nasaçxa Dxus Gobiernos pẽhyna ũsyã. ¿Kĩh yũuçxa kikh txãas pẽhy? Jesús txãa jĩne txãaweꞌsx discipulostxis pẽhykhan: “Idx Gobiernos wẽdxithaꞌw paꞌjkhan”.
Jesús discipulosweꞌsxa jiyumeeneta txãa Dxus Gobiernote Jesús weꞌwte. Txãasaneta txãaweꞌsxa teeçx eente paapẽy: “Thẽꞌjsa, naa gobierno naa eensu Israeljĩiwaꞌjnaꞌ?”. Txãaweꞌsxa teejwed ewneta jiyuwe, nawa Jesús kĩhwa ptaꞌsxmeene (Hechos 1:6, 7, TNM). ¿Txãwte kweꞌsxa jiyuya ãjaꞌmthaꞌw txãjx Gobierno baaçx yuhtewaꞌj? ¡Ũu!, txãa jiyuya ãjaꞌnaꞌw.
Naa revistate naa paapẽynĩsatxis pasuꞌjnaꞌw:
¿Kĩh yũuçxa Dxus Gobiernos pejxthaꞌw?
¿Txãa Gobierno kim jxkaahakx?
¿Baaçx naa kiwete Dxus Gobiernos neeyũukx?
¿Txãa Dxus Gobierno nasaweꞌsxjĩi kĩh yũukx?
¿Ãçxh kĩh ỹuuçxa Dxus Gobiernos puꞌçxhwaꞌj jiꞌphkxthaꞌw?
¿Txãa Dxus Gobiernos kĩhkx?
Naate u'kaçxa txā'wēy nuu piyane'ga
ENSEÑANZAS IMPORTANTES DE LA BIBLIA
Txãa Dxus Jxkaahwaꞌja ¿kĩh kik?
Jesús naa kiwete ũssy, Dxus jxkaahnisaçxatene weꞌwna ũssu. Maakwe txãçxyã txajx selpiisaweꞌsxa Dxus jxkaahnisa pejxna ũsyã.
