Naa revistate piyayãthaꞌw Jesús senxalte weꞌwnĩsaꞌs. Txãa senxal kweꞌsxtxis kaapiyaꞌjak, txãa Dxus Gobiernoyu mjĩiyã takhyane cieluteju, açyu Jesukristoyu jxkaahwaꞌjsana.

Jesusyu nyaafxte Eçxtheꞌj vxiteꞌ angelesweꞌsx ewmeesatxis cieluju kukxiꞌjne. Anxu 1914juy naa kiwe wala ewmee ũssune, Eçxtheꞌj vxiteꞌ ángeles ewmeesaweꞌsx nasatxis wala kaasufrĩyn ũsyã (Apocalipsis 12:7, 9).

Naa kiwete ewmeesaçxa eenĩsa jweeteçxa utaan ũssa. Nawa, Jesusyu kĩh kĩhwa ewsa txãa yũu ũssu nasaweꞌsxjĩi. Paapẽyga, ¿kim kikh Dxus yuwe ptaꞌsxya uꞌjweçte thegna ũssayuꞌ? Txãa thegna ũssa Jesukristona. Jesús puꞌçxhte nasa makweçxa Dxus yuwe piyan ũsyã vxiteꞌ kxtey yũun (Isaías 2:2-4). Dxus yuwe piyasayãja vxuçxa yaakiçmeeneta, saꞌ thakwee eenĩsa mjĩiçmeeneta, txãw yũuçxa txãjx zxiꞌkweꞌsx yakh wala weçx weçxa fxiꞌzeneta. Dxus yuwe piyasaꞌweꞌsxa weçx weçxa fxiꞌzewaꞌjaꞌs jiꞌphuyã saꞌ, Dxus jxkaahaçte fxiꞌzewaꞌjaꞌswa phewuꞌjn ũsyã.

Ãçxhyu Jesús cielute jxkaahn ũsna nawa, naa txãa nasa neꞌjweꞌsxyu naa kiwete jxkaahn ũsna. Txajĩine Dxusyu naꞌjĩne Jesusaꞌs ewmeesa ksxaavxte jxkaahanega jĩnek (Salmo 110:2). Jesusyu jxuka pebana txãjx enemigostxis, thẽysa vxiteꞌ Dxusaꞌs selpiin kaasufrĩyn ũsatxis txaꞌwẽy pebana thẽymee.

Dxus Gobierno naa kiwete wala yuꞌphtheꞌjena:

• Dxus Gobiernos jxuka pebana religiones isasameetxis. Dxus yuwe naꞌjĩk, religiones isasameeyu prostituta naꞌwna txãayu pebanĩne yũuna thẽymee. Txajĩi religiones Dxuste isasamee ptaꞌsxsatxis pebana vxiteꞌ nasatxjĩi kaasufrĩyn ũssatxis txaꞌwẽy pebanĩ neeyũuyã. Ãçxh eente nasa makwe txãa religión isasamee yahkxmee ũsyã Dxus pebayateꞌwaꞌj (Apocalipsis 17:15, 16).

• Dxus Gobiernos nasa gobiernotxis pebana. Piçthẽꞌjaꞌs gobierno baaçx yuhwa peenayu uꞌpumeena (Apocalipsis 19:15, 17, 18).

• Dxus Gobiernos nasa ewmeesatxwaꞌj pebana. ¿Kĩh yũukx nwẽeseꞌjmee yuꞌptheꞌjsameetxis? Dxus yuwe naꞌjĩk ewmeesa naa kiwete pebanĩ neeyũuyã (Proverbios 2:22).

• Dxus Gobiernos pebana Eçxthẽꞌj vxiteꞌ ángeles ewmeesatxis. Dxus pebana Eçxthẽꞌj vxiteꞌ ángeles ewmeesatxis peena nasatx ĩsxiikaahmeen (Apocalipsis 20:3, 10).

Nawa, yaꞌjxpaapẽy, nasaweꞌsx Dxus Gobiernote fxiꞌzewẽete ¿txãaweꞌsx yakha kĩh yũukx?

Jesús cielujuy wala ew jxkaahana nasa gobiernote jxthaakwe. 144.000 neꞌjweꞌsx Dxus txitxhne Jesusaꞌs puꞌçxhkhan (Apocalipsis 5:9, 10; 14:1, 3). Dxus naa kiwete jxthãasnĩ Jesús jxuka kxtey yũuna. Txaꞌwẽy paapẽyga, ¿Dxus Gobierno nasaweꞌsxtxis kĩh yũukx?

• Pebana ãçaꞌwajas vxiteꞌ uuwaꞌjas. “Naa kiweteweꞌsx kim yuhwa naꞌjĩyã ãjaꞌmeena: ‘ãçan ũsthu’” açyu “peenayuꞌ uuwaꞌjmée yũuna” (Isaías 33:24; Apocalipsis 21:4).

• Paz jiꞌphun ũssuyã vxiteꞌ ũukhmee fxiꞌzeyã. “Idx zxiꞌkweꞌsxa wala paz jiꞌphun kaahayã” açyu “teeçx teeçx vid vxiteꞌ higuera tasxte kaçxhiyã, kim yuhwa kaawãsxiꞌjmeeyã” (Isaías 54:13; Miqueas 4:4).

• Jxukasay mjĩi ewsa jxpaꞌkayã. “Adx txitxhinĩsaweꞌsxa wãt wãt mjĩin fxiꞌzeyã. [...] Ĩꞌneeyu paꞌpçxun fxiꞌzemeeyã” (Isaías 65:22, 23).

• Naa kiwes çehk neeyũuna. “Nasa uꞌpnĩmee kiwesu vxiteꞌ kiwe uhdxsu wãt wãt utaan ũssuna, txak uꞌpnĩmeesu wãt wãt ũssuna saflan naꞌw kiten ũssuna” (Isaías 35:1).

• Nasatxis kaapiyaꞌjwaꞌjna kĩh yũuwaꞌj jiꞌphthewaꞌj bakaçxtewaꞌj ĩtxi fxiꞌzekhan. “Açaꞌ pçuwaꞌjmée ĩtxi fxiꞌzewaꞌjaꞌs jiꞌphu wẽeçxaꞌ, teeçx Dxusçxáa ũsgu txãꞌsna jiyuwaꞌj jiꞌphtaꞌ, saꞌ txãꞌwẽy iidx kaahnĩsa Jesukristoꞌswa jiyuwaꞌj jiꞌphtaꞌ” (Juan 17:3).

Dxusa wẽdxine idx naa bedicionestxis jiꞌphukhan (Isaías 48:18). Vxite peꞌla weꞌwnĩsate theguꞌnega ãçxhii kĩh yũuwaꞌj jiꞌphçxawaꞌj txãa zxiçxkwesaꞌs eꞌsu jxpaꞌkawẽeçxa.