• Dxus txitxhyawaꞌjneyu. “Adxiith adx jxkaahsaꞌs txah [...;] adx txãa çxhabtxis ũssug idxjĩ naꞌw yũukhan naa kiwete kĩhte paꞌjkane pçuu kxtee paꞌj idx namu yũunega” (Salmo 2:6, 8).

• Jxkaahsa David jxhaanĩ jiꞌphuyawaꞌjneyu. “Kweꞌsxtxis teeçx luuçxkwe upxh, txãjx zxiꞌkasne dukh [...]. Txãa Gobierno kĩhtemeewaꞌj jxuka ew jxkaahn ũssyuna txãa ew jxkaahnĩsa baaçx yuhwa pçuuwaꞌjsameena David jxkaahn kaçxnĩsate vxiteꞌ txãjx gobiernote kxteeçxa ẽsemee kiꞌpuna” (Isaías 9:6, 7).

• Belente upxhyawaꞌjneyu. “Txãa Belén [...], Israelte jxkaahsa txajuꞌ kaseꞌjena [...,] txãayu meh walasa yũun kaahana naa kiwete kĩhte paꞌjka pçuu kxtee paꞌj” (Miqueas 5:2, 4).

• Ahçeçxa ikhyanetaneyu. “Ahçenĩsaneyu, açyu kiwa selpiisamee naꞌwçxanetkhaꞌw thegu [...], nawa kweꞌsx pkaal paꞌkateneta yãjan kaah kweꞌsx ewmee yũunĩ paꞌkatx waꞌkhikhiꞌj” (Isaías 53:3, 5).

• Ũuseeyãçxa weçxawaꞌjas jxpaꞌkayawaꞌjneyu. “Idxa nvxihtmeenega pedanĩ kafxte. Idx nesçxa selpiisas kafxte txahmeenega [...]; idx paç juꞌgu bakaçxtewaꞌj weçx weçxa ũssuna” (Salmo 16:10, 11).

Txãa Dxus yuwe naꞌjĩk txitxhne neꞌjweꞌsx Jesusçxa kxtey yũuwaꞌjsana. Txãsane teeçx ángel naꞌjĩne Mariaꞌs: “Açaꞌ txãꞌsaꞌ Dxusaꞌ Jxkaahwaꞌjsa vxituna, yaçgathẽꞌj Davxid naꞌwẽysa. [...]. Txajx jxkaahnĩꞌ bakaçxte yuhwa pçumeena” (Lukas 1:31-33).

Jesús neꞌjweꞌsxmeeneyũ naa kiwete fxiꞌzen ũssune txãa eensu. Nawa jxthẽyũumeena jxkaahya naa kiwete nasaweꞌsxtxis cieluju. Nawa, yaꞌjxpaapẽy, ¿kĩh yũuçxa Jesús neꞌjweꞌsx meh ewsakx? Meen piya Jesús maꞌwne yũun ũssu naa kiwete txaꞌwẽy.

•   Jesús meh yahkxne nasatxis. Txãane puꞌçxh piçthẽꞌjtxis, uꞌytxis, piçtakx vxiteꞌ thẽꞌjsatxis. Jesús yaakiçmeene nasa maju yuhsa, vxu jiꞌphsa maꞌk yuu meeçxa vxu jiꞌphsamee maꞌk yuu, txãzkwẽesaytxis jaꞌda puꞌçxhçxane (Mateo 9:36; Markos 10:16). Teeçx piçthẽꞌj wãꞌjx tukhsane kwẽkwẽthe utha jiꞌphune, txãasa pẽhyne Jesukristoꞌs nuykatxhikhan, Jesús nasaweꞌsxtxis seena peeykãhane saꞌ ĩiwẽethmee (Markos 1:40-42).

• Jesús kaapiyaꞌjk maꞌw Dxusaꞌs weçx weçxa vxitwatewaꞌj. Jesús kaapiyaꞌjk kweꞌsxaꞌs Dxusaꞌs selpiiyã ãjaꞌmeenaꞌw saꞌ vxuçxas thakwee pakwen ũsçxa. Txaꞌwẽy kaapiyaꞌjk kweꞌsx maꞌwnetkhaꞌw vxitetxis ew yũu thãasu txaꞌwẽy. Txajuꞌ, Jesús kaapiyaꞌjak Dxus thegune kweꞌsx kĩhnetkhaꞌw yũun fxiꞌze txãas, nawa txaꞌwẽy thegune kweꞌsx ũus yahkxnĩswaꞌj. Txãjiiçxa Dxusaꞌs weçx weçxa vxitwẽeçxa wala jxpaꞌyahkxwaꞌj jiꞌphnetkhaꞌw kweꞌsx ũus dxiꞌjuy ũus yahkxnĩsaꞌs (Mateo 5:28; 6:24; 7:12). Jesús txaꞌwẽy kaapiyaꞌjk wala jxthuhthesana weçx weçxa fxiꞌzewaꞌj Dxus yuwe leĩna kxtey yũun (Lukas 11:28).

• Jesús kweꞌsxaꞌs kaapiyaꞌjk maꞌw isa peeykãhwatewaꞌj. Jesús vxitnĩsa vxiteꞌ txãjx kaapiyaꞌjnĩsa nasa ũuste paꞌj kũjune. Dxus yuwe kaapiyaꞌjak Jesús kaapiyaꞌjnĩs nasaweꞌsxa thegnaneta neeyũu (Mateo 7:28, 29). Jesús kaapiyaꞌjk peeykãhwaꞌj jiꞌphthaꞌw kweꞌsxjĩi ahçesatxis. Txãaĩwaꞌj Dxus yakh puutx weꞌwna pẽhyne txãas ikhwaꞌjsatxis peltunaykhan. Txãw yũuçxa kweꞌsxas kaapiyaꞌjk isate peeykãhwaꞌja (Mateo 5:44; Lukas 23:34).

Jesús thakwee neꞌjweꞌsx ewsana. Txãa kĩhtewaꞌj jxuka ãjaꞌwaꞌjaꞌs jiꞌphsana, txãa wala peeykãhak saꞌ txãa wala puꞌçxhwẽjek. Nawa, yaꞌjxpaapẽy, ¿baaçx jxkaahya takhek?