Luuçxtey, adx neyweꞌsx yakh, yuꞌkhte walasa thegyaꞌ wẽdxith, txãa paꞌka takxweꞌsxtxiꞌs wala peeykãahath. Leꞌçxtey alku vxiteꞌ misxweꞌsxtxiꞌs psxaꞌd wẽjeꞌth, txãa paꞌka walan uꞌjweçteꞌ txaꞌwesxtxiꞌs nweꞌwe wẽjeꞌth.Txakxweꞌsxtxiꞌs nweꞌwesaweꞌsx yakh mjĩin takhthuꞌ.

Takxweꞌsxtxiꞌs nweꞌwe paꞌka wala puiimthaꞌw. Txãa paꞌka kxyupni yatte kiꞌp kiꞌth. Txaꞌwẽy pxthaa yũunisaweꞌsxtxiꞌs nweꞌw wẽjeꞌth, nawa maꞌkwe puiite naa kiwe phewuꞌjyaꞌ ãjameeth, açyu wala nxusuth.

Txaantey Jeuwa kaapiyaꞌjsaweꞌsx yakh piyan ũsuth.Nawa Dxus yuweꞌs kxtey yuuyã waꞌluth, nawa naa eensu Dxus yuweꞌs piya wejẽꞌth, açyu lẽeyyaꞌ takhthu. Txãꞌw yũute Dxus yuweꞌs adxaꞌs wala puꞌçxku.

Dxus weꞌwnisa Proverbios 12:10te naꞌjĩꞌk: “Nasa kul kuꞌlesa txãjx takxtxiꞌs nweꞌwena”. Txaꞌwẽy jiyuth naꞌw thẽysa fxiꞌze ũste, Dxusaꞌ yuwe meena, açyu wala weçxath Jeuwa wala pẽykahn paꞌka. (Salmo 103:8-14).

Dxus yuweꞌs kiꞌkin piya wejẽꞌth, txãa paꞌka Dxus yuweꞌs piyan takh. Txaꞌwẽy Jeuwa kaajiyuꞌjsaweꞌsx yakh pkhakhen ũsuꞌth, txãꞌw yũute Jeuwa pẽykahniꞌs adx ũuste walankah.

Acyu Dxus puꞌçxte ewmee yũunisaꞌs nvxtihna kah. Açxa walxidaꞌs tudxiçmeeth, txaꞌwẽy juꞌnasaꞌs çxazxaçmeeth saꞌ kazx yũunisaꞌs nvxihtthu. Maꞌw eente naa kiweꞌs phewu‘jyaꞌ ũus yaatxith, nawa Jeuwaçxa phewuꞌjyaꞌ ãjana suhukith, txãa paꞌka Jeuwa jxkaahniꞌs ptaꞌsxna ũsthu. (Romanos 13:1; Mateo 6:33).

Txaantey vxite nasaweꞌsx yakh puiin ũsuꞌth, nawa açxhyuꞌ piyat txaaweꞌsxtxiꞌs pẽeykahwaꞌj jiꞌpthu. (Mateo 5:44). Txãa paꞌka Dxus yuwe ewsaꞌs tuutheꞌj wejẽꞌth jxuka nasatxiꞌs.

Jeuwateçxa konfiayth, txãa yũu ewme yũunisaꞌs pebana. Isasaꞌs piyan kahçxa vxitetxiꞌs ptaꞌsxna ũsthu. (Isaías 11:1-9). Txãꞌw yũute wala wẽt wẽt ũus yaatxikith, txãa paꞌka ãçxhii naa kiweꞌs yuꞌphtheꞌjwaꞌj ũus yaahtxiçmeeth, txaꞌwẽy pxthaa yũunisaweꞌsxtxiꞌs nweꞌw wẽjeꞌth.