Di Bivvel gebt kenn clear direction uf cremation. ’Sis kenn gebott in di Bivvel es sawkt ay vayk adda da annah veyyich cremation funn di dohdi adda veyyich si fagrawva.

 Di Bivvel dutt sawwa funn samm funn Gott sei faythfeli leit es iahra dohda fagrawva henn. Fa’n example, da Abraham hott en latt effort nei gedu fa en blatz greeya fa sei fraw, di Sarah, fagrawva.​—1 Mosi 23:2-20; 49:29-32.

 Di Bivvel dutt aw sawwa veyyich faythfeli leit es fabrend henn vass ivvahrich voah funn di dohda. Fa’n example, vann da Kaynich Saul un sei drei boova doht gmacht vadda sinn in en greek, henn di enemies iahra bodies kalda un si nett shay gyoost. Vann di faythfeli Israeliddah soldiers dess keaht henn, sinn si ganga un henn da Saul un sei boova iahra bodies grikt, un si fabrend, un no vass ivvahrich voah, fagrawva. (1 Samuel 31:8-13) Di Bivvel veist es dess nett en letzah vayk voah fa acht gevva uf di bodies funn selli mennah.​—2 Samuel 2:4-6.

 Vass mensha denka: Gott zayld nett ebbah zrikk zu layva bringa es cremate vadda is.

 Di voahret is: Gott kann selli zrikk zu layva bringa es kshtauva sinn, es macht nix aus eb si fagrawva voahra, cremated, fasoffa, adda kfressa voahra bei vildi animals. (Offenbarung 20:13) ’Sis nett hatt fa Gott fa’n neiy body macha fa leit es kshtauva sinn.​—1 Korinther 15:35, 38.