Yau. Gott gebt ebbes drumm veyyich sei leit es grank sinn. Di Bivvel sawkt veyyich ebbah es faythfel voah: “Da HAH gebt acht uf een im bett funn grankheit.” (Psalm 41:3) Vann du am deela bisht mitt en shlimmi granket, dee drei points kenna dich helfa:

1.   Bayt fa hilf fa deela mitt di granket. Du griksht no “da fridda funn Gott, vo haychah is es alles es miah fashtay kenna,” dess zayld dich helfa fa nett zu anxious sei even vann’s nett eesi is.​—Philipper 4:6, 7.

2.   Sei Positive. Di Bivvel sawkt: “En fraylich hatz macht ebbah ksund, avvah en bedreebdah geisht drikkeld di gnocha uf.” (Shpricha 17:22) Lann fa en sense funn humor havva, because dess kann dich helfa haebbiyah shpiahra deich en dunkli zeit, un’s zayld dei health helfa.

3.   Denk an dei hofning fa da future. En hofning havva kann dich joy gevva even vann du en shlimmi granket hosht. (Römer 12:12) Di Bivvel sawkt funn en zeit vann nimmand sawwa zayld: “Ich binn grank.” (Jesoiya 33:24) Gott zayld no alli granket hayla es doktahs nett kenna heit. Fa’n example, di Bivvel sawkt vi aldi leit viddah yung un ksund vadda zayla: ‘No vatt sei flaysh viddah frish vi en kind sein, un eah vatt viddah yung.’​—Hiob 33:25.

 Note: Miah vissa es Gott uns helft, avvah Jehova Sei Witnesses doon aw medical treatments nemma fa shlimmi grankeda. (Markus 2:17) Miah doon avvah nett leit sawwa vass fa medical treatments fa nemma, yaydah person muss sei ayknah decision macha veyyich sell.