Nay, di eaht zayld nee nett fagay adda ufgebrend vadda, adda replayst sei mitt en neiyi eaht. Di Bivvel sawkt es Gott hott di eaht gmacht fa druff layva fa’immah.

•   “Di gerechta zayla’s land eahva, un drinn voona fa’immah.”​—Psalm 37:29.

•   “[Gott hott] di foundations funn di eaht glaykt, un see kann nee nett gmooft sei.”​—Psalm 104:5.

•   “Di eaht bleibt shtay fa’immah.”​—Breddichah 1:4.

•   “Da Gott es di eaht kshaybt un gmacht hott, un es see gegrund hott. Eah hott see nett gmacht fa leah sei, avvah so es leit drinn sei sella.”​—Jesoiya 45:18.

 Gott zayld nett mensha lossa di eaht gans fadauva deich pollution, wars, adda ennichah anrah vayk. Avvah eah zayld “selli doht macha es di eaht fadauva.” (Offenbarung 11:18) Vi zayld eah dess du?

 Mensha governments sinn nett able fa di eaht protekta, so Gott zayld si replaysa mitt en pirfikt government, adda en Reich es roold fumm himmel. (Daniel 2:44; Matthäus 6:9, 10) Jesus Christus, Gott sei Sohn, zayld da roolah sei funn sell Reich. (Jesoiya 9:6, 7) Vann da Jesus uf di eaht voah, hott eah di natural forces kantrohla kenna, so vi’s veddah. (Markus 4:35-41) Da Jesus, kaynich funn Gott Sei Reich, zayld foll kantrohl havva ivvah di eaht un awl’s veddah. Eah zayld di sacha uf di eaht viddah neiy macha, saym es’s gvest voah in Goahra-Ayden.​—Matthäus 19:28; Lukas 23:43.

 Nay, es dutt nett. So en idea kumd oft funn nett recht fashtay vass 2 Petrus 3:7 sawkt. Es sawkt: “Di himla un di eaht es nau shtayn sinn am kalda vadda fa’s feiyah.” Denk moll veyyich zvay importandi points es uns helft di mayning fashtay:

1.   Di Bivvel yoost di vadda “himla,” “eaht,” un “feiyah” fa shvetza veyyich may es ay ebbes. Fa’n example, Psalm 33:8 sawkt: “Loss di gans eaht da HAH firchta.” Do maynd “eaht,” mensha.

2.   Di anri verses aus 2 Petrus 3:7 rumm helfa uns fashtay vass himla, eaht, un feiyah maynd do. Es dutt di Sindfloot in da Noah sei dawk kamperra in verses 5 un 6. Vo sell kaebbend hott, is di ald veld faganga, avvah di eaht is alsnoch do. In blatz funn sell, di Sindfloot hott veeshti leit, adda di “eaht,” vekk gebutzt. (1 Mosi 6:11, NWT ) Di “himla,” adda selli es groold henn ivvah di mensha, voahra aw vekk gebutzt. So, veeshti leit sinn vekk gebutzt vadda, nett di eaht. Da Noah un sei family sinn nett umkumma vo selli veld vekk gebutzt vadda is un si henn uf di eaht glaybt noch di Sindfloot.​—1 Mosi 8:15-18.

 So vi’s vassah funn di Sindfloot sacha vekk gebutzt hott, so zayld’s “feiyah” in 2 Petrus 3:7 en end bringa zu awl veeshti leit, nett di eaht. Gott hott “neiyi himla un en neiyi eaht” fashprocha “vo gerechtichkeit drinn voond.” (2 Petrus 3:13) En “neiyi eaht” adda en neiyi group mensha, zayla groold sei bei “neiyi himla” adda en neiyah government​—Gott Sei Reich. Unnich Gott Sei Reich zayld di eaht zu en peaceful paradise gmacht vadda.​—Offenbarung 21:1-4.