QUESTION 7
Vass Sawkt di Bivvel es Haebna Zayld in Unsah Dawk?
“Fa ay land zayld greek macha mitt em anra un ay kaynich-reich mitt em anra kaynich-reich . . . Awl dess is yusht da ohfang funn feel druvla.”
“Un feel falshi brofayda kumma uf, un zayla feel leit fafiahra. Un veil ungerechtichkeit ivvah-hand nemd, dutt feel leit iahra leevi abkeela.”
“Un feichet eich nett vann diah heahret funn greek un kshvetzah funn greek. Dee sacha missa blatz nemma, avvah’s end is noch nett do.”
“Di eaht zayld shidla, un in feel bletz zayld hungahs-noht sei mitt grankeda. Es zayla vundahboahri zaycha fumm Himmel kumma es di leit fagelshtaht.”
“In di letshta dawwa zayla haddi zeida kumma. Leit zayla geld un sich selvaht leeva. Si vadda braekkah, shtols un leshtahrah. Si heicha iahra eldra nett, sinn undankboah un ungeishtlich. Si sinn unni leevi, halda iahra vatt nett, shtroiya kshvetzah, hayva sich selvaht nett drunna, henn kenn fashtand, hassa ennich ebbes goodes. Si kenna nett gedraut sei, sinn foah-vitzich, ufgeblohsa un gleicha blesiah may es Gott. Si hayva oh zu en shein funn Gottheit, avvah si falaykla di graft difunn.”