“Di gerechta zayla’s land eahva, un drinn voona fa’immah.”

Psalm 37:29

“Di eaht bleibt shtay fa’immah.”

Breddichah 1:4

“Eah shlukt da doht uf fa’immah. Gott da HAH zayld’s awwa-vassah ab butza funn alli ksichtah.”

Jesoiya 25:8

“No vadda di awwa funn di blinda uf gmacht, un di oahra funn di dawba zayla heahra. No zayla di lohma tshumba vi en hash, un selli es nett shvetza kenna zayla singa. Di vassahra zayla lawfa in di vildahnis, un di grikka in di drukkana bletz.”

Jesoiya 35:5, 6

“Gott zayld awl’s awwa-vassah aus iahra awwa butza, un’s zayld kenn shtauves, adda heiles, adda brilles, adda shmatza may sei, fa di alda sacha sinn faganga.”

Di Offenbarung 21:4

 “Si zayla heisah bauwa un zayla drinn voona, si zayla vei-goahra blansa, un’s frucht essa. Si zayla nimmi lengah heisah bauwa es anri drinn voona; si zayla nimmi blansa, un anri’s essa. Di dawwa funn mei leit zayla sei vi di dawwa funn baym; mei leit zayla sich lang froiya mitt em sach es iahra hend macha.”

Jesoiya 65:21, 22