“Avvah du, Bethlehem Ephratha, . . . aus diah zayld aynah raus kumma fa mich es Israel roola zayld.”

Micha 5:2

“Vo Jesus geboahra voah in di shtatt funn Bethlehem in Judayya, an di zeit vo da Herodes kaynich voah.”

Matthäus 2:1

“Si fadayla mei glaydah unnich nannah, si zeeya’s lohs fa mei rokk.”

Psalm 22:18

“No henn si ksawt zu nannah, ‘Vella deah nett fareisa, avvah vella zeeya in en lohs fa sayna vemm deah sei zayld.’ Dess voah fa di Shrift folfilla vo sawkt, ‘Si henn mei glaydah fadayld unnich nannah, un henn gezowwa in en lohs fa mei rokk.’ No henn di greeks-gnechta dess gedu.”

Johannes 19:24

“Da HAH gebt acht uf awl sei gnocha; nett ayns funna zayld fabrocha gay.”

Psalm 34:20

“Avvah vo si zu Jesus kumma sinn un henn ksenna es eah shund doht is, henn si sei bay nett fabrocha.”

Johannes 19:33

“Avvah eah voah vay gedu fa unsah ivvah-dreddes.”

Jesoiya 53:5

“Avvah ayns funn di greeks-gnechta hott sei shpiah in sei seit nei grend, un grawt is bloot un vassah raus kumma.”

Johannes 19:34

“So henn si miah dreisich shtikkah silvah betzawld.”

Sacharia 11:12, 13

“No is ayns funn di zvelfa, es Judas Ischariot kaysa hott, zu di hohchen-preeshtah ganga, un hott ksawt, ‘Vass gevva diah miah vann ich een faroht zu eich?’ Un si henn eem dreisich shtikkah silvah gevva.”

Matthäus 26:14, 15; 27:5