“Di gans Shrift is gevva vadda deich da Geisht Gottes.”​—2 Timotheus 3:16, Di Heilich Shrift, Pennsylvania Deitsh un English.

Di beshti ensahs zu di grohsi questions in layva.​—Shpricha 2:1-5.

Hilf es ma trosta kann fa em sei layva geida alli dawk.​—Psalm 119:105.

En rechtah hofning fa noch dee zeit.​—Römer 15:4.

Yau, fa at least drei reesins:

• Alles is aynich. Es hott 1,600 yoah gnumma fa di Bivvel shreiva, un si voah kshrivva bei ivvah 40 diffahndi leit. ’S mensht funn dee leit henn nannah selayva nett ohgedroffa. Doch, alles is aynich mitt-nannah, un’s dutt Gott sei nohma un sei vayk fa roola ufhayva gans deich di Bivvel!

• Honesti shreivah. Veldlichi shreivah sinn kshvind fa di mistakes funn iahra leit zu dekka. Nett so mitt di Bivvel, iahra shreivah voahra honest un henn iahra aykni mistakes un di mistakes funn iahra leit in di Bivvel kshrivva.​—2 Chronik 36:15, 16; Psalm 51:1-4.

• Voah prophecy. Di Bivvel hott ksawt ebdihand es di ald shtatt funn Babylon ivvah kshmissa sei zayld, ivvah 200 yoah eb’s blatz gnumma hott. (Jesoiya 13:17-22) Si hott nett yusht ksawt da vayk es Babylon falla zayld, avvah aw da nohma funn veah es di shtatt ivvah shmeist!​—Jesoiya 45:1-3.

  Feel anri prophecies in di Bivvel sinn voah kumma, nunnah zu’s glensht ding es ksawt voah. Avvah vass shunsht dayt ma ekshpekta funn Gott Sei Vatt?​—2 Petrus 1:21.