Vann ma heiyaht, is ma en neiyi family. Diah zaylet immah leevi un respekt havva fa eiyah eldra, avvah nau is’s nimmand uf di eaht es may importand is zu dich es dei partner. Dess mecht nett goot nunnah gay mitt samm funn eiyah family. Di Bivvel kann eich helfa, so’s diah peace halda kennet mitt eiyah families, un in di saym zeit hatt boviahra eiyah ayni family ufbauwa.

VASS DI BIVVEL SAWKT: “Eahret eiyah faddah un muddah.” (Epheser 6:2) ’S macht nix aus vi ald es du bisht, du musht immah honor un respekt havva fa dei eldra. Fagess nett es dei partner aw eldra hott fa bekimmaht sei diveyya. Leevi is nett jealous. So wohri nett es da bond es dei partner un family henn, ebbes vekk nemd funn da bond es dich un dei partner hend.​—1 Corinthians 13:4 NWT; Galatians 5:26.

VASS DU KANSHT:

• Du nett sacha shtrekka, so vi sawwa “Dei family is immah mich am nunnah du” adda “Dei maemm gleicht selayva nett vass ich du”

• Boviah sacha ohgukka vi dei partner dutt

VASS DI BIVVEL SAWKT: “Fasell falost mann sei daett un maemm un henkt oh zu sei fraw, un see vadda ay flaysh.” (1 Mosi 2:24) Vann du heiyahsht, shpiahra dei eldra fleicht es si missa alsnoch dich noch sayna, un si vella fleicht may in eiyah layva sei es si sedda.

’Sis uf zu dich un dei partner fa diseiyda vo fa di lein drawwa un no eiyah eldra’s sawwa inna shaynah vayk. Diah kennet si grawt sawwa vi diah feelet unni rude sei. (Shpricha 15:1) Daymeedich, geduldich, un kawm sei, kann eich helfa goot along kumma mitt eiyah eldra, un oh’halda uf du “mitt-nannah in leevi.”​—Epheser 4:2.

VASS DU KANSHT:

• Vann du gwohrit bisht uf vi feel es eiyah families involved sinn in eiyah layva, shvetz mitt dei partner vann diah inna goodah moot sind

• Doond awl zvay agreeya uf vi diah so sacha haendla zaylet