Ma braucha awl geld fa acht gevva uf unsah families so’s si henn vass si braucha. (Shpricha 30:8) Even di Bivvel sawkt es, “geld acht gebt uf” uns. (Breddichah 7:12) Es mecht fleicht hatt sei fa shvetza veyyich geld mitt-nannah, avvah doond nett geld lossa druvvel macha in eiyah keiyaht layva. (Epheser 4:32) En mann un fraw sedda nannah trosta un mitt-nannah diseiyda vi geld kshpend sei zayld.

VASS DI BIVVEL SAWKT: “Vels funn eich, vann eah en gebei bauwa vill, hokt sich nett seahsht anna un fikkaht eb eah genunk hott fa’s faddich macha?” (Lukas 14:28) Es is reeli importand es diah mitt-nannah diseiydet vi diah eiyah geld shpenda zaylet. (Amos 3:3) Diseiydet vass diah kawfa misset un vi feel es diah shpenda kennet. (Shpricha 31:16) Yusht koss diah’s geld hend fa ebbes kawfa, maynd nett es diah seddet. Boviahret aus di shuld bleiva. Shpendet yusht geld es diah hend.​—Shpricha 21:5; 22:7.

VASS DU KANSHT:

• Vann diah geld ivvahrich hend an’s end funn da moonet, diseiydet mitt-nannah vass diah du zaylet mitt’s

• Vann diah saynet es diah may kshpend hend es diah gmacht hend, diseiydet vo diah vennichah shpenda kennet. Fa’n example, in blatz funn ess-sach kawfa, machet’s dihaym

VASS DI BIVVEL SAWKT: “Du vass recht adda honest is, nett yusht im Hah sei awwa avvah aw in mensha awwa.” (2 Korinther 8:21) Sei honest mitt dei partner uf vi feel geld es du machsht un shpendsht.

Shvetz immah mitt dei partner eb diah grohsi decisions machet es en latt geld koshta zayld. (Shpricha 13:10) Fa shvetza diveyya eb ma geld shpend, kann helfa peace halda in eiyah keiyaht layva. Hald in meind es’s geld es du machsht is nett yusht fa dich, avvah fa di gans family.​—1 Timotheus 5:8.

VASS DU KANSHT:

• Agreeyet uf vi feel es yaydahs shpenda kann unni shvetza mitt da annah

• Voahret nett biss diah druvvel hend fa shvetza veyyich geld