Di drubb es foah-ganga is in di eahsht century voah en glenni drubb “aposhtla un eldishti” in Jerusalem, un henn importandi decisions gmacht fa awl di anointed Christians. (Apostelgeschichte 15:2) Vann si awl aynich vadda sinn uf en decision, is’s yusht kumma deich heilich geisht un bei shvetza veyyich vass di Bivvel sawkt. (Apostelgeschichte 15:25) Sell saym ding vatt gedu heit.

Gott yoost si fa sei villa du. Di Bivvel is reeli importand zu di breedah es part sinn funn di Drubb es Foahgayt. Si henn feel experience in acht gevva uf spiritual sacha un gevva direction uf vi unsah eahvet gedu sei sett. Si kumma zammah alli voch fa shvetza veyyich vass Jehova sei leit braucha. Yusht vi in di eahsht century, direction gebayst uf di Bivvel vatt gevva deich breefa, circuit overseers un anri. Dess helft Gott sei leit united sei in iahra vayk funn denkes un vass si doon. (Apostelgeschichte 16:4, 5) Di Drubb es Foahgayt dutt awl di spiritual sacha ivvah sayna es reddi grikt vadda, un helfa uns awl sayna vi importand es di ministry is. Si macha shuah es faythfeli breedah assigned vadda fa acht gevva uf Gott sei leit uf di eaht.

Si sinn immah reddi fa direction fallohwa funn Gott. Di Drubb es Foahgayt gukt fa direction funn Jehova, da Alli-Haysht, un da Jesus vo ivvah di congregation is. (1 Korinther 11:3; Epheser 5:23) Kens funn si feela es si di leaders sinn funn Jehova sei leit. Si un awl di anointed Christians, doon ‘em Lamm, Jesus, nohch gay’ vo evvah’s eah anna gayt. (Offenbarung 14:4) Di Drubb es Foahgayt is frohwa vann miah bayda fa si un fa di eahvet es si doon.

• Veah voah part funn di drubb es foah-ganga is in di eahsht century?

• Vi dutt di Drubb es Foahgayt gukka fa Gott sei direction?