En “peiyneer” is ebbah es da vayk uf macht fa anri fa nohch kumma. In en vayk, da Jesus voah en peiyneer. Eah voah kshikt zu di eaht fa en ministry shteahra un fa da vayk uf macha fa leit ayvich layva gevva. (Matthäus 20:28) So heit, da Jesus sei followers immatayda een bei so feel zeit shpenda in di ministry es si kenna fa ‘yingah macha.’ (Matthäus 28:19, 20) Es sinn leit heit es aw able sinn fa peiyneers sei.

En peiyneer shpend en latt zeit in di ministry. Awl funn Jehova Sei Witnesses sherra di goodi sacha funn di Bivvel mitt anri. Avvah, samm macha es si 70 shtund shpenda kenna in di ministry alli moonet es peiyneers. Feel leit shaffa yusht part-time so’s si dess du kenna. Anri sinn kfrohkt fa speshel peiyneers sei in areas vo may leit gebraucht sinn fa helfa in di ministry. Si shpenda 130 shtund adda may in di ministry alli moonet. Peiyneers sinn zufridda mitt en simple layva havva. Si trosta es Jehova si gevva zayld vass si braucha fa layva. (Matthäus 6:31-33; 1 Timotheus 6:6-8) Selli es nett peiyneera kenna, henn di chance fa auxiliary peiyneers sei vann-evvah es si able sinn. Si kenna 30 adda 50 shtund da moonet shpenda in di ministry.

Leit doon peiyneera koss funn iahra leevi fa Gott un fa mensha. Yusht vi da Jesus hott, miah sayna es feel leit vissa missa veyyich Gott un vass eah fashprocha hott. (Markus 6:34) Miah henn ebbes es di leit helfa kann nau fa’n goodi hofning havva fa da future. Leevi fa nochbah macht es en peiyneer geahn sei zeit yoosa vill fa anri helfa di goodi sacha funn di Bivvel fashtay. (Matthäus 22:39; 1 Thessalonicher 2:8) Un deich sell, is en peiyneer sei glawva shteikah gmacht, eah kumd naychah zu Gott, un hott feel joy.

• Vass daytsht du sawwa es en peiyneer is?

• Favass vella samm peiyneera?