“Lohvet da HAH, diah sei engel, diah mechtichi.”​—Psalm 103:20

Vass vissa miah veyyich di engel?

• Hiob 38:4-7

  Jehova hott di engel gmacht eb eah di eaht gmacht hott.

• Di Offenbarung 5:11

  Es sinn millions funn engel.

• 1 Petrus 1:11, 12

  Di engel henn noch immah en interest gnumma in Jehova sei villa fa di eaht.

• Lukas 15:10

  Di engel nemma en interest in selli es Gott deena.

“Da engel fumm HAH bleibt um selli rumm es een firchta, un eah macht si frei.”​—Psalm 34:7

Vi vissa miah es di engel leit helfa kenna?

• 1 Mosi 19:15, 16; Daniel 6:22; Lukas 22:43; Di Apostelgeschichte 12:6-11

  Di engel henn da Lot, da Daniel, da Jesus, un da Petrus kolfa.

• Hebräer 1:7, 14

  Heit, dutt Jehova sei engel yoosa fa sei leit helfa un protekta.

“So es da Satan nett di evvahsht-hand grikt funn uns, fa’s is nett unbekand zu uns vass shlichtiches es eah im sinn hott.”​—2 Korinther 2:11

Veah sinn di demons, un favass kenna si em fafiahra?

• Di Offenbarung 12:9

  En engel is geyyich Jehova gedrayt. Eah is Satan kaysa.

• 1 Mosi 6:2

  In da Noah sei zeit, henn dayl engel nett keicht un sinn runnah zu di eaht kumma.

• Matthäus 9:34

  Selli engel sinn mitt da Satan geyyich Jehova gedrayt un sinn demons vadda.

• 5 Mosi 18:10, 11

  Di demons boviahra leit trikka un si fafiahra in ennichah vayk es si kenna.

“Shtaynd geyyich da Satan, un eah fleekt funn eich vekk.”​—Jakobus 4:7

Vi kansht du Jehova sei hilf havva fa geyyich da Satan un sei demons shtay?

• Di Apostelgeschichte 19:19

  Shmeis awl’s shtoft vekk es ennich ebbes hott zu du mitt spiritism, un es magic, demons, adda supernatural powers exciting adda goot gukka macht.

• Epheser 6:16, 18

  Mach dei glawva shteikah bei di Bivvel shtodya, un bayt es Gott dich protekt.

• Shpricha 18:10

  Yoos Gott sei nohma, Jehova.