“Gott dayt selayva nett droh denka fa evil du, adda da Awlmechtich fa letz du.”​—Hiob 34:10

Favass is so feel soffahres in di veld?

• Di Offenbarung 12:9

  Da Satan is da roolah funn di veld.

• 5 Mosi 26:6

  Mensha macha anri soffahra.

• Breddichah 9:12

  Daylmohls soffahra leit koss si in da letz blatz sinn an di letz zeit.

• 1 Petrus 5:7

  Jehova hott feel leevi fa mensha. Eah hast si sayna soffahra.

“Fa Gott vayst es da dawk es diah esset difunn, zayla eiyah awwa uf gmacht sei un diah zaylet sei vi Gott, un visset vass goot un evil is.”​—1 Mosi 3:5

Favass hott Jehova nett da Satan grawt distroit?

• 1 Mosi 3:2-5

  Da Satan hott ksawt es Gott is nett en goodah Roolah. Da Satan hott havva vella es mensha denka si kenna selvaht diseiyda vass recht un letz is.

• Hiob 38:7

  Da Satan hott ksawt fannich awl di engel es Gott nett en goodah Roolah is.

“Ich vays, oh HAH, es em mensh sei layva nett in sei aykni hend is; ’sis nett een es ausmacht vi eah lawfa sett.”​—Jeremia 10:23

Favass henn mensha shund so lang ksoffaht?

• Jesoiya 55:9

  Mensha henn shund feel diffahndi sadda governments katt. Avvah unni Gott, kann nimmand goot roola.

• 2 Petrus 3:9, 10

  Jehova is geduldich un gebt uns zeit fa lanna een kenna, un fa een tshoosa fa unsah Roolah.

• 1 Johannes 3:8

  Deich da Jesus zayld Jehova alles fixa es da Satan fadauva hott.

“Grikk veisheit, mei sohn, un bring frayt zu meim hatz, no habb ich en goot andvat zu selli es geyyich mich shvetza.”​—Shpricha 27:11

Favass dutt Jehova nett uns macha een deena?

• Shpricha 30:24

  Animals gayn yusht bei iahra instinct, avvah Jehova hott uns’s recht gevva fa tshoosa fa uns selvaht. Miah kenna tshoosa eb miah Jehova deena vella adda nett.

• Matthäus 22:37, 38

  Jehova vill havva es miah een deena koss es miah leevi henn fa een.