“Heichet miah, no zayl ich eiyah Gott sei un diah zaylet mei leit sei.”​—Jeremia 7:23

Denksht du ma kann Gott sei friend sei?

• 1 Mosi 22:18; Jakobus 2:23

  Da Abraham voah Jehova sei friend koss eah hott sei trost in Jehova gedu un een keicht.

• 2 Chronik 16:9

  Jehova zayld selli helfa es een heicha.

• Psalm 25:14; 32:8

  Jehova helft sei friends fashtay vass eah havva vill es si doon.

• Psalm 55:22

  Jehova zayld acht gevva uf sei friends.

“Deich awl dess hott da Hiob nett ksindicht un Gott gepshuldicht adda geblaymd.”​—Hiob 1:22

Vi hott da Satan boviaht da Hiob macha ufgevva, avvah vass hott da Hiob gedu?

• Hiob 1:10, 11

  Da Satan hott ksawt es da Hiob is selfish un hott kenn leevi fa Gott.

• Hiob 1:12-19; 2:7

  Jehova hott da Satan glost alles vekk nemma funn da Hiob. Da Satan hott even da Hiob gmacht en shlimmi disease greeya.

• Hiob 27:5

  Da Hiob is faythfel geblivva, even vann eah nett gvist hott favass es eah so feel am soffahra is.

“En mann gebt alles es eah hott fa sei ayya layva.”​—Hiob 2:4

Vi dutt da Satan boviahra unsah friendship fadauva mitt Jehova?

• 2 Korinther 11:14

  Da Satan boviaht uns fafiahra so’s miah nett Jehova heicha.

• Shpricha 24:10

  Eah boviaht uns macha shpiahra es miah nett goot genunk sinn fa Jehova deena.

• 1 Petrus 5:8

  Da Satan mach’s hatt fa uns.

• Shpricha 27:11

  Du zaylsht veisa es da Satan en leeyah is, bei tshoosa fa Jehova heicha un sei friend sei.

“Fa dess is di leevi funn Gott: es miah sei gebodda halda.”​—1 Johannes 5:3

Vi kansht du Jehova sei friend sei?

• Markus 12:30

  Veis es du leevi hosht fa Jehova. Dess zayld dich helfa du vass recht is.

• Jesoiya 48:17, 18

  Du vass Jehova sawkt, un sell zayld dich immah helfa.

• 5 Mosi 30:11-14

  Du kansht shuah sei es Jehova zayld dich selayva nett frohwa fa may du es du du kansht.

• Psalm 46:1

  Du vass recht is, un Jehova zayld dich helfa.