“Fa bei diah is di shpring funn layva.”​—Psalm 36:9

Vi doon miah respekt veisa fa layva?

• Di Apostelgeschichte 17:28; Di Offenbarung 4:11

  Miah sedda respekt veisa fa layva, ’sis en kshenk funn Jehova.

• 2 Mosi 21:22, 23; 5 Mosi 5:17

  Ebbah poahbes doht macha is letz. En baybi sei layva nemma eb’s geboahra is, is abortion, un is aw letz.

• 1 Johannes 3:11, 12, 15

  Ebbah hassa is letz.

• 2 Korinther 7:1

  Bleib vekk funn drekkichi habits, so vi shmohka adda drugs yoosa.

• Shpricha 3:31, 32

  Bleib vekk funn violent entertainment un kfeahlichi sports.

“Fa es layva fumm leib is im bloot.”​—3 Mosi 17:14

Vi feeld Gott veyyich layva un bloot?

• 1 Mosi 4:10; 5 Mosi 12:23

  Bloot maynd un shtayt fa’s layva.

• 1 Mosi 9:3, 4

  Ma dauf flaysh essa avvah nett’s bloot.

• Di Apostelgeschichte 15:28, 29; 21:25

  Gott sei gebott fa nett bloot essa maynd aw fa nett bloot yoosa even in medical treatments.

• Hebräer 11:6

  ’S mensht importand ding in unsah layva is unsah relationship mitt Jehova.

“Un’s bloot funn Jesus Christus . . . macht uns sauvah funn alli sinda.”​—1 Johannes 1:7

Vass dutt da Jesus sei sacrifice possible macha fa uns?

• 3 Mosi 17:11

  Vann di Israeliddah ksindicht henn, henn si Jehova frohwa kenna fa fagevva sei bei en animal opfahra, un en preeshtah frohwa fa samm bloot uf da awldah leahra.

• Matthäus 20:28; Hebräer 9:11-14

  Vo da Jesus uf di eaht kumma is, hott eah sei layva, adda bloot, gevva fa unsah sinda fagevva in blatz funn animals opfahra.

• Johannes 3:16

  Koss es da Jesus kshtauva is fa uns hott Jehova awl mensha es glawva an da Jesus di gleyyaheit gevva fa layva fa’immah.