“Es is fasell es ich mei gnee beek fannich em Faddah funn unsahm Hah Jesus Christus, funn demm vo alli family im Himmel un uf di eaht nohch gnohmd is.”​—Epheser 3:14, 15

Vi kann eiyah family haebbi sei?

• 1 Mosi 1:26-28

  Jehova hott di eahsht family kshteaht.

• Epheser 5:1, 2

  Ma kann en haebbi family layva havva vann ma Jehova un da Jesus immatayt.

“Loss alli-ebbah funn eich sei fraw so leeb havva . . . un di fraw soll iahra mann achta adda respekta.”​—Epheser 5:33

Vi sedda mann un fraw nannah treeda?

• Epheser 5:22-29

  Da mann muss acht gevva uf di family. Eah sett leevi havva fa sei fraw, un see sett di decisions supporda es eah macht.

• Kolosser 3:12, 13, 19

  Si missa goot-maynich sei un boviahra nannah fashtay.

• 1 Petrus 3:1, 2, 7

  Mann un fraw sedda honor un respekt havva fa nannah.

• 1 Timotheus 5:8; Titus 2:4, 5

  Da mann sett macha es di family hott vass si braucha. Di fraw sett aw goot acht gevva uf iahra family.

Irrataydet “eiyah kinnah nett . . . avvah zeeyet si uf in di adning un famohning fumm Hah.”​—Epheser 6:4

Vass fa responsibility henn eldra?

• 5 Mosi 6:4-9; Shpricha 22:6

  Diah misset zeit nemma fa eiyah kinnah lanna veyyich Jehova. Shteahret vann si reeli yung sinn, un seind geduldich un helfet yaydah vann fa Jehova sei friend vadda.

• 1 Petrus 5:8

  Lannet eiyah kinnah vi si vekk bleiva kenna funn sexual abuse un anri sacha es si shawda du kann.

• Jeremia 30:11; Hebräer 12:9-11

  Diah misset eiyah kinnah macha heicha un even daylmohls shtrohfa, avvah selayva nett in en veeshtah vayk adda vann diah bays sind.

“Kinnah, heichet eiyah eldra im Hah, fa dess is recht.”​—Epheser 6:1

Kinnah, favass sedda diah eiyah eldra heicha?

• Shpricha 23:22-25; Kolosser 3:20

  Diah zaylet Jehova un eiyah eldra haebbi macha vann diah heichet.

• Shpricha 13:20

  Gukket fa friends es leevi henn fa Jehova. Sell zayld’s eesi macha fa eich fa du vass recht is.