“Gukk moll, do is vassah, vass dayt fahalda es ich mich dawfa lossa dayt?”​—Di Apostelgeschichte 8:36

Vi un favass setsht du gedawft vadda?

Bei gedawft vadda veist sell es du dei vayk funn layva getshaynsht hosht, un hosht kshteaht dei layva yoosa fa Gott sei villa du.

• Matthäus 28:19, 20

  Du musht gedawft sei fa Jehova deena.

• Psalm 40:8

  Gedawft vadda veist anri es du Gott deena vitt.

• Matthäus 3:16

  Du musht gans unnich vassah gedu sei vi da Jesus voah.

“Fa dess is di leevi funn Gott: es miah sei gebodda halda. Un sei gebodda sinn nett shveah.”​—1 Johannes 5:3

Favass setsht du dich nett feicha dei layva yoosa fa Jehova deena?

• Psalm 103:14; Jesoiya 41:10

  Du musht nett pirfikt sei fa Jehova deena. Eah zayld dich helfa du vass recht is.

• Kolosser 1:10

  Dei leevi fa Jehova zayld dich helfa so’s du nimmi shpiahra musht es du nett goot genunk sei kansht fa een.

“Ich froi mich fa dei villa du, oh mei Gott, dei Ksetz is in meim hatz.”​—Psalm 40:8

Vass musht du eb du gedawft vadda kansht?

• Johannes 17:3

  SHTODDI DI BIVVEL

  Du musht may lanna veyyich Jehova un da Jesus. Di may es du lansht veyyich si, di may leevi es du havva zaylsht fa si.

• Hebräer 11:6

  MACH DEI GLAWVA SHTEIKAH

  Du awl dei trost in alles es Gott fashprocha hott. Trost aw es da Jesus sei layva es eah gevva hott genunk voah fa uns free macha funn di sind un da doht.

• Di Apostelgeschichte 3:19

  DU BOOS adda REPENT

  Dess maynd fa reeli sorry sei fa awl di sacha es du letz gedu hosht.

  DRAY RUMM

  Dess maynd fa shtobba letzi sacha du un du vass recht is.

• 1 Petrus 4:2

  FASHPRECH FA DEI LAYVA YOOSA FA JEHOVA DEENA

  Du laybsht fa Jehova vann du moll een fashprechsht in gebayt fa yusht een deena, un fa sei villa’s mensht importand ding macha in dei layva.