“Di gerechta zayla’s land eahva, un drinn voona fa’immah.”​—Psalm 37:29

Vass is Gott sei villa fa mensha?

• 1 Mosi 1:28

  Gott hott havva vella es families di eaht zu en paradise macha un acht gevva uf di animals.

• Jesoiya 46:9-11; 55:11

  Nix zayld Gott shtobba funn sei villa gedu greeya.

“Di gans veld leit in di macht fumm evila.”​—1 Johannes 5:19

Veah roold di veld?

• Johannes 12:31

  Da Jesus hott da Satan da ivvah-saynah funn dee veld kaysa.

• Jakobus 1:14, 15

  Da Satan hott ebbes vella es nett zu een keaht hott.

• 1 Mosi 2:17; 3:1-6

  Da Satan hott di Ayfaw fafiaht. Da Adam un di Ayfaw henn nett gedu vass Gott ksawt hott, un shpaydah sinn da Adam un di Ayfaw awl zvay kshtauva.

• Römer 3:23; 5:12

  Miah shtauva koss funn di sind es miah grikt henn funn da Adam.

• 2 Korinther 4:3, 4

  Da Satan fafiaht leit.

“Loss dei Reich kumma. Loss dei villa gedu sei, uf di eaht.”​—Matthäus 6:10

Vass zayld Jehova du?

• Daniel 2:44

  Gott sei government zayld awl di mensha governments replaysa.

• Di Offenbarung 16:14-16

  Gott zayld dee veesht veld distroiya an Armageddon.

• Jesoiya 9:6, 7

  Jehova hott da Jesus getshoost fa da Kaynich sei funn sei government im himmel. Da Jesus zayld ivvah di eaht roola.

“Du machsht dei hand uf, un machsht zufridda di falanga funn alles levendiches.”​—Psalm 145:16

Vass zayld Gott Sei Reich du fa uns?

• Psalm 46:9

  Greek adda war, crime, un violence zayla nimmi do sei.

• Jesoiya 32:18; 65:21-24

  In di neiy veld, zayld alli ebbah shayni heisah un goahra havva un layva in peace.

• Psalm 72:16

  Es zayld blendi ess-sach sei.

• Jesoiya 11:6-9

  Es zayld peace sei zvishich mensha un animals.

• Jesoiya 33:24; Di Apostelgeschichte 24:15

  Nimmand zayld grank sei, un selli es kshtauva sinn zayla viddah layva.