“Da Mensha Sohn [is] kumma . . . fa sei layva gevva [es en ransom] fa feel leit frei macha.”​—Matthäus 20:28

Favass braucha miah da ransom?

• 1 Mosi 3:17-19

  Da Adam hott nett gedu vass Gott ksawt hott, deich sell hott eah sei speshelah friendship mitt Jehova, sei pirfikt layva, un sei haymet in Paradise faloahra.

• Römer 5:12

  Miah doon awl sindicha un shtauva koss funn vass da Adam gedu hott.

• Epheser 1:7

  Da ransom is Jehova sei vayk fa mensha lohs macha funn di sind un da doht.

“Gott hott sei aynsishtah Sohn in di veld kshikt so es miah layva kenna deich een.”​—1 Johannes 4:9

Vi hott Jehova da ransom provide?

• Psalm 49:7, 8

  Kens funn uns kann da price betzawla fa’s pirfikt layva es da Adam faloahra hott.

• Lukas 1:35

  Jehova hott sei aynsishtah Sohn zu di eaht kshikt fa geboahra sei es en pirfiktah mensh.

• Römer 3:23, 24; Hebräer 9:24

  Noch es da Jesus uf kshtanna is, is eah zrikk zu da himmel ganga un hott sei pirfikt layva gevva zu Jehova fa da ransom betzawla.

“Gott zayld awl’s awwa-vassah aus iahra awwa butza, un’s zayld kenn shtauves . . . may sei.”​—Di Offenbarung 21:4

Vi kenna miah benefidda funn da ransom?

• 1 Johannes 1:8, 9

  Unsah sinda kenna fagevva sei.

• Hebräer 9:13, 14

  Miah kenna en goodah conscience havva fannich Gott.

• Römer 6:23

  Miah henn di hofning fa layva fa’immah.

• Galater 2:20

  Da ransom is en kshenk es veist vi feel leevi es Jehova un da Jesus henn fa uns.

“Gott hott . . . sei aynsishtah geboahranah Sohn gevva, so es awl dee vo an een glawva . . . ayvich layva havva [kenna].”​—Johannes 3:16

Vi kenna miah veisa es miah dankboah sinn fa da ransom es Gott provide hott?

• Johannes 17:3

  Lann Jehova un da Jesus kenna, un boviah sei vi si.

• Lukas 22:19

  Gay alli yoah zu’s Ohdenkes funn da Jesus sei doht.

• Johannes 3:36; Jakobus 2:26

  Bei nett yusht sawwa miah glawva an da Jesus, avvah aw du vass da Jesus uns gland hott fa du.