“Di dohda vissa nix.”​—Breddichah 9:5

Vass haebbend mitt uns vann miah shtauva?

• Psalm 146:3, 4; Breddichah 9:6, 10

  Vann miah shtauva kenna miah nett sayna, miah kenna nett heahra, un miah kenna nett denka.

• Johannes 11:11-14

  Da Jesus hott ksawt vann ebbah shtaubt is’s baut saym es vann eah eikshlohfa veah.

“Avvah fumm bohm funn di eisicht funn goot un evil solsht du nett essa. Fa im dawk vann du esht difunn zaylsht du gevislich adda fa shuah shteahva.”​—1 Mosi 2:17

Favass doon miah shtauva?

• 1 Mosi 3:1-6

  Da Satan hott gleekt vo eah ksawt hott es di Ayfaw nett shtauva zayld vann see est funn sellah bohm. Vo da Adam un di Ayfaw nett keicht henn zu Jehova, henn si ksindicht un sinn kshtauva.

• 1 Mosi 3:19

  Noch es da Adam kshtauva is, hott nix funn een ohkalda layva.

• Römer 5:12

  Di sind is vi en reeli shlimmi disease es miah grikt henn funn da Adam un di Ayfaw. Miah sinn awl geboahra mitt sind, un sell is favass es miah shtauva.

• 1 Korinther 15:26

  Di Bivvel sawkt da doht is en enemy.

“Vann en mensh shteahbt, zayld eah viddah layva? . . . Ich [voaht] biss mei fa’ennahres kumd.”​—Hiob 14:14

Vann miah di voahret vissa veyyich selli es kshtauva sinn, vi helft sell uns lohs vadda funn letzi ideas?

• 1 Johannes 4:8

  Da glawva veyyich en feiyahrichi hell macht Jehova veesht gukka. Eah dayt nee nett leit soffahra lossa vi sell.

• Di Offenbarung 4:11

  Feel leit mayna di dohda kenna si vay du adda si helfa, un si feicha sich ebbes du es si nett gleicha. So si boviahra di dohda pleesa in blatz funn Jehova. Jehova is da voah Gott, miah sedda yusht een deena.