“Da letsht feind adda enemy es zu nix gmacht vatt is da doht.”​—1 Korinther 15:26

Vi kann ma kamfirt greeya funn di Bivvel vann ebbah shtaubt?

• 2 Korinther 1:3, 4

  Vann ayns funn em sei family adda en klohsah friend shtaubt, mechta miah helpless shpiahra. Di Bivvel kann uns kamfirt gevva.

• Jesoiya 25:8; 26:19

  Jehova hott da power fa da doht vekk nemma fa’immah. Eah zayld even selli es shund kshtauva sinn zrikk zu layva bringa.

“Kind, ich sawk zu diah, ‘Shtay uf!’”​—Markus 5:41

Favass kenna miah shuah sei es di dohda zrikk zu layva kumma zayla?

• Johannes 11:1-44

  Da Jesus hott da Lazarus zrikk zu layva gebrocht.

• Markus 5:22-24, 35-42

  Da Jesus hott en yung maydel zrikk zu layva gebrocht.

• Johannes 11:41, 42

  Da Jesus hott Jehova sei power gyoost fa di dohda zrikk zu layva bringa.

• Johannes 12:9-11

  Feel leit henn da Jesus ksenna di dohda zrikk zu layva bringa. Even selli es da Jesus kast henn, henn gvist es eah sell du kann.

“Du zaylsht roofa un ich gebb diah andvat, un [zaylsht] en falanga havva fa sell es dei hend gmacht henn.”​—Hiob 14:13-15

Veah zayld zrikk zu layva gebrocht vadda?

• Johannes 5:28, 29

  Awl selli in Jehova sei memory zayla zrikk zu layva kumma.

• Di Apostelgeschichte 24:15

  Selli es gerecht sinn un selli es nett sinn zayla zrikk zu layva kumma.

• Jesoiya 40:26

  Jehova kann di nayma meinda funn awl di shtanna, so eah kann aw eesi alles meinda veyyich selli es eah zrikk zu layva bringa zayld.

“Ich gay un risht en blatz fa eich.”​—Johannes 14:2

Veah zayld zrikk zu layva kumma fa in da himmel gay?

• Epheser 1:20

  Da Jesus voah da eahsht fa zrikk zu layva kumma fa in da himmel gay.

• Lukas 12:32

  Da Jesus hott ksawt es yusht en glenni drubb aus awl selli es een noch kumma zayla zrikk zu layva kumma fa in da himmel voona.

• Di Offenbarung 14:1

  Jehova hott 144,000 getshoost fa layva in da himmel.