“Loss dei Reich kumma. Loss dei villa gedu sei, uf di eaht vi im Himmel.”​—Matthäus 6:​9-​13

Vass is Gott Sei Reich?

• Di Offenbarung 11:15

  Gott Sei Reich is en government es roola zayld ivvah di eaht fumm himmel.

• 1 Timotheus 6:15

  Da Jesus is da Kaynich funn Gott Sei Reich.

• Di Offenbarung 14:1, 4

  144,000 mensha zayla roola mitt da Jesus fumm himmel.

• Hebräer 4:​15; 5:8

  Da Jesus un di 144,000 fashtayn vass fa problems es miah deela mitt, un vissa vi miah shpiahra.

“Mitt gerechtichkeit zayld eah di oahma richta.”​—Jesoiya 11:4

Favass is da Jesus da besht vann fa Kaynich sei funn sell Reich?

• 1 Timotheus 6:16

  Awl mensha roolahs shtauva un di sacha es si doon kumma zu’n end. Da Jesus zayld nee nett shtauva, so awl di goodi sacha es eah du zayld fa uns zayla nee nett zu’n end kumma.

• Jesoiya 11:2-4

  Da Jesus kann may goot du es ennichah mensha roolah selayva hott kenna. Eah hott may power es awl di mensha roolahs zammah. Eah is feah un veist es eah reeli ebbes drumm gebt veyyich leit.

“An di zeit funn selli kaynicha zayld da Gott fumm himmel noch en kaynich-reich ufsetza es nee nett unnah gay zayld.”​—Daniel 2:44

Vass hott sell Reich shund gedu? Vass zayld’s du in da future?

• Di Offenbarung 12:7-12

  Noch es da Jesus Kaynich gmacht voah in 1914, hott eah da Satan aus da himmel un runnah uf di eaht kshmissa. Sell is favass’s so feel shmatza, soffahres, un druvvel hott gans ivvah di eaht.

• Breddichah 8:9; Di Offenbarung 16:16

  Gott Sei Reich zayld awl di veeshti mensha governments distroiya an Armageddon.

• Psalm 37:10

  Leit es oh’halda veeshti sacha du zayla distroit vadda.

• Di Offenbarung 22:1-3

  Vann Gott Sei Reich moll ivvah di eaht roold, no zayld nimmand grank vadda adda shtauva, un awl mensha zayla honor gevva zu Gott sei nohma.