Habakuk 1:1-17
1 Dess is es vatt es gevva voah zumm brofayt Habakuk.
Em Habakuk Sei Glawk
2 Vi lang muss ich roofa fa hilf, oh HAH,un du heichsht mich nett ab?Ich roof zu diah, “Si doon uns vay,”avvah du helfsht uns nett.
3 Favass machsht du mich deah druvvel sayna?Favass dusht du dess letza gay lossa?Fadauves un nunnah-dreddes sinn fannich miah,shtreit un en gezah sinn ivvahrawlich.
4 Fasell is es ksetz fa’acht,un di leit iahra recht nee nett ufkohva.Di gottlohsa fensa di gerechta ei,un iahra recht vatt fadrayt.
Em HAH Sei Andvat
5 “Gukk moll an di heida un vatsh!Un sei folshtendich fashtaund!Fa ich zayl ebbes du in dei dawwaes du nett glawva zaylsht,even vann’s diah ksawt vatt.
6 Nau gukk moll, ich binn am di Chaldayah ufvekka,selli unfashtendicha un ungeduldicha leit,dee es am ivvah di gans eaht gay sinn,un am lendah ivvah-nemma es nett iahra sinn.
7 Si sinn en grausam un shreklich folk,si doon vi si vellaun shaffa yusht fa sich selvaht.
8 Iahra geil gayn shteikah es leopards,un sinn rawsichah es velf am dushbah.Iahra geil-reidah kumma shteik,si kumma funn veit ab;si fleeya vi en awdlah am runnah kumma fa fressa.
9 Si kumma awl fa fechta un doht macha.Iahra grohsi drubba kumma vi da vind,un fanga leit vi da sand in di vildahnis.
10 Si fashpodda kaynicha,un lacha ivvah roolahs.Si lacha ivvah awl di zu gvanda shtett,si bauwa da grund uf an di vand nohch,gayn nuff un fanga di leit.
11 No gayn si on fabei vi da vind;si zayla shuldich kohva sei,si macha iahra graft iahra gott.”
Em Habakuk Sei Zveddah Glawk
12 Oh HAH, bisht du nett funn ayvichkeit heah?Mei Gott, mei Heilichah, hald uns funn shtauva.Oh HAH, du hosht si ufketzt fa uns richta;oh, unsah Felsa, du hosht si groofa fa uns shtrohfa.
13 Dei awwa sinn zu rein es du evil nett ohgukka kansht,un du kansht’s nett shtenda fa leit sayna letz du.Favass alawbsht du dee shlichticha leit gay?Favass bisht du shtill vann di gottlohsaselli ufshlukka es may gerecht sinn es si?
14 Du hosht leit gmacht vi fish im say,vi gradlichi say-diahra es kenn roolah henn.
15 Di Chaldayah zeeya si awl ruff mitt en hohka,si shlayfa si vekk mitt iahra net,si geddahra si zammah in iahra fish-net;no froiya si sich un sinn froh.
16 Fasell macha si en opfah zu iahra net;si brenna insens zu iahra net,veil si reichlich layva deich iahra net,un essa’s besht ess-sach.
17 Zayla si ohhalda iahra net ausleahra,un unni bamhatzichkeit anri lendah doht macha?
