Hiob 12:1-25
12 No hott da Hiob andvat gevva un ksawt,
2 “Unni zveifla, diah sind di leit!Un di veisheit zayld shtauva mitt eich!
3 Avvah ich habb yusht so feel fashtand es diah hend.Ich binn nett vennichah es diah sind.Veah vayst nett awl dee sacha?
4 Ich binn am fashpott vadda bei mei freind,even vann ich Gott ohgroofa habb un eah miah andvat gevva hott.Ich binn gerecht un unshuldich, avvah am falacht vadda.
5 Selli unni druvvel gukka nunnah uf selli mitt unglikk,un mayna dess unglikk is veil iahra fees shund am shlibba voahra.
6 Di tents funn rawvah un doht-shlayyah bleiva shtay unni shawda,un nimmand dutt ebbes zu selli es Gott fa’eiyahra;avvah Gott hald si unnich sei aykni hand.
7 Avvah frohwet di diahra, un si zayla eich lanna,adda di fekkel im himmel, un si zayla eich sawwa,
8 adda shvetzet zu di eaht, un si land eich,adda losset di fish im say eich lanna.
9 Vels funn selli doon nett vissaes di hand fumm HAH dess gedu hott?
10 In sei hand is di sayl funn alles es laybt,un da geisht funn awl di mensha.
11 Broviaht nett’s oah di vadda es es heaht,grawt vi di zung ess-sach fasucha dutt?
12 Is nett veisheit kfunna unnich di eldra;dutt nett en lang layva fashtand bringa?
13 Zu Gott heaht veisheit un macht;roht un fashtand sinn sei.
14 Vass eah nunnah reist, kann nett viddah ufgebaut sei,vann eah en mann eishtekt, kann eah nett lohs glost sei.
15 Eah haybt di vassahra zrikk, un si drikla uf,eah lost si lohs, un si fadauva’s land.
16 Zu eem heaht graft un veisheit,da fafiaht un da fafiahrah sinn sei.
17 Eah fiaht di roht-gevvah vekk un nemd iahra veisheit;eah macht di richtah es si unni fashtand sinn.
18 Eah macht di kaynicha frei es gebunna sinn,un bind en duch um iahra bauch rumm.
19 Eah fiaht di preeshtah vekk un daymeedicht si,un macht selli falla es mechtich sinn.
20 Eah macht di leftz zu funn selli es gedraut sinn,un nemd da fashtand vekk funn di eldishti.
21 Eah gukt nunnah uf di evvahshta,un macht’s belt lohs funn di mechticha.
22 Eah dekt ab di deefi sacha aus em dunkla,un bringd’s dunkla raus in’s licht.
23 Eah macht en folk hohch un shteik, un bringd’s viddah zrikk nunnah;eah macht en folk grohs, un fiaht si no vekk.
24 Eah nemd di foah-gengah iahra fashtand vekkes ivvah di leit funn di eaht sinn,un macht si draus rumm lawfa vo kenn vayk is.
25 Si lawfa rumm im dunkla unni licht;eah macht si shtaekkahra vi en ksoffanah mann.”
